ЫЙЫТ-ХОРУЙДУУБУТ: Баанньык, хоспох иһин нолуок төлүүбүт дуо?

Арассыыйаҕа ханнык даҕаны хаһаайыстыбаннай тутуу иһин саҥа нолуоктары киллэрэ иликтэр диэн Росреестргэ иһитиннэрбиттэрин туһунан объясняем.рф суруйар.

Биэдэмистибэ сорох иһитиннэрэр-биллэрэр эйгэҕэ суруллубут дааннайдары олоҕо суоҕунан аахта. Ол курдук, Арассыыйаҕа даача иһинээҕи тутууларга — киһи олорбот тутууларыгар, ол иһигэр баанньыкка, хоспоххо, тэпилииссэҕэ, туалекка, душка нолуок, эбии төлөбүр көрүллүбэт диэн иһитиннэрэр.

Бас билээччилэргэ туох даҕаны уларыйбата. Уопсай быраабыла быһыытынан нолуок Хамсаабат баай-дуол биир кэлим судаарыстыбаннай реестригэр регистрацияланыахтаах хапытаалынай тутууларга эрэ ааҕыллар. Ол эрээри, дачатааҕы тутуугут ЕГРН-ҥа реистрациялаах уонна 50 кв.м. кыра иэннээх буоллаҕына, нолуок төлөөбөккүт. Бу  чэпчэтии көрүҥэ биир эрэ тутууга көрүллэр, манна эбии өссө бу тутуугутун урбааҥҥа туһаммат буолуохтааххыт диэн.

Хапытаалынай тутууларга акылаакка турар, кирпииччэттэн, блоктан, мастан тутуллубут эбийиэктэр киирэллэр.