ЫЙЫТ-ХОРУЙДУУБУТ: Бас билэр сирбэр маһы кэрдиэхпин сөп дуо?

Ыйытыы: Бас билэр сирбэр маһы кэрдиэхпин сөп дуо?

Хоруйун объясняем.рф саайтан ыллыбыт: бас билэр учаастакка маһы кэрдэр көҥүллэммэт. Маны кэспит дьону туох накаастабыл күүтэрий?

— биирдиилээн дьоҥҥо 3000-тан 4000 солкуобайга диэри, оттон юридическэй сирэйдэргэ 200000-тан 300000 солкуобайга диэри ыстараап. Бэнсиининэн барар эрбиини туттубут буоллаххына, ыстараап 5000 уонна 500000 солкуобайга диэри үрдүөҕэ, эбиитин тэрилгин былдьыахтара;

— холуобунай накаастабыл — айылҕаҕа улахан хоромньуну оҥорбут буоллаххына, 500 000 солкуобайга диэри ыстараап эбэтэр көннөрүнэр үлэҕэ ыытыахтарын сөп. Холобур, мас ойуур пуондатыгар киирэр, Кыһыл кинигэҕэ киирбит эбэтэр сэдэх көтөрдөр, кыыл-сүөл, үөн-көйүүр уйаламмыт буоллаҕына.

Маһы кэрдэргэ көҥүлү оройуон эбэтэр куорат дьаһалтатын уонна МФЦ нөҥүө ылыаххытын сөп. Быраабыланы үрдүнэн-аннынан көрүмэ, ордук сэрэхтээх, өскөтө:

— мас сэдэх көрүҥнэргэ киирсэр эбэтэр харыстанар сиргэ, холобур ойуур, уу,  ойуур пуондатын сирин таһыгар турар буоллаҕына;

— сир куорат иһигэр эбэтэр уопсай туһаныллар сиргэ баар буоллаҕына.

Дьаһалтаттан көҥүлэ ирдэммэт, өскөтө мас:

— охтоору турар буоллаҕына;

— хаппыт эбэтэр үөн сиэбит;

— учаастак хаһаайына бэйэтэ олордубут.

Ол эрээри, бу түбэлтэлэргэ даҕаны, эспэртиисэ бюротун эбэтэр киинин түмүгэ наада. Ити суох буоллаҕына, мас кэрдиитэ көҥүлэ суох быһыынан ааҕыллыан сөп.