Олох-дьаһах тула
Күндү ааҕааччыларбыт. Ыйыт-хоруйдуубут диэн балаһаҕа дьон үксүн үлэҕэ-хамнаска, күннээҕи олоххо-дьаһахха сыһыаннааҕы ыйытар.
– Миигин биир ыйытыы интэриэһиргэтэр. Бөрө тириитин тутууга туох ирдэбиллэр баалларый?
Ыйытыыга СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин Булт департаменын кылаабынай исписэлииһэ Артур Дмитриев хоруйдаата:
– “Саха Өрөспүүбүлүкэтин сиригэр-уотугар булт баайын харыстааһыны өйүүргэ Саха Өрөспүүбүлүкэтин судаарыстыбаннай бүддьүөтүттэн субсидиялары биэрии бэрээдэгин бигэргэтэр туһунан” 340 №-дээх СӨ Бырабыыталыстыбатын уурааҕар олоҕуран, бөрө тириитин туталлар.
Бөрө тириитин туттарарга сайабылыанньа суруллар, бултаабытын туһунан аак толоруллар, бултуурга көҥүлэ эбэтэр корешога, олохтоммут форманан бэтэринээр сибидиэтэлистибэтэ ирдэнэр.
Бөрөнү бултааһын туһунан аакка (акт об изъятии волка) илии баттыахтаахтар:
1) бөрөнү бултаабыт булчут;
2) Экологияны кэтээн көрүүгэ иниспиэксийэ салайааччыта, бөрө бултаммыт оройуонун кэмитиэтин (иниспиэксийэтин) судаарыстыбаннай иниспиэктэрэ эбэтэр СӨ Экология министиэристибэтин Булт хаһаайыстыбатын уонна ураты харыстанар айылҕа сирдэрин департаменын үлэһитэ.
3) оройуон эбэтэр нэһилиэк баһылыга эбэтэр нэһилиэк дьаһалтатын эппиэттээх үлэһитэ, муниципальнай эбэтэр дьокутааттар нэһилиэктээҕи сэбиэттэрин дьокутаата, бөрө бултаммыт оройуонун бэтэринээринэй сулууспатын үлэһитэ. Онон аакка үс илии баттааһын баар буолуохтаах.
Тириини Дьокуускайга “Центр заготовки пушнины” ХЭУо тутар.
Бэчээккэ Женни Стрюкова бэлэмнээтэ
СӨ Ил Дархана Айсен Николаев Нам улууһугар оробуочай сырыытын чэрчитинэн, Хатырык олохтоохторун кытары көрсүһүү тэрийэн…
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…
Бу туһунан Саха сирин бырабыыталыстыбатын Бэрэссэдээтэлин солбуйааччы Анатолий Семенов иһитиннэрдэ. Нам улууһугар халаан уутуттан үөрэх…
Хатырык нэһилиэгин землячествота биир дойдулаахтарыгар көмөлөһөн, АГАТУга гуманитарнай көмөнү хомуйар анал пууну тэрийбитэ. Бу пууҥҥа…
Сарсын, ыам ыйын 21 күнүттэн, Дьокуускай — Аллараа Бэстээх маршрутунан салгын суудунанан таһыы тарыыба түһэн,…
Билигин ыам ыйыгар ырыынактарынан арассаада үүннэрэр усулуобуйата, солото суох киһи ырыынакка баран атыылаһара чуолкай. Ол…