Хаартыска: PxHere
Дойду үрдүнэн балаҕан ыйын 1 күнүттэн олоххо киирэр сокуон ирдэбилинэн бобуллубут социальнай ситимнэргэ урукку угуйуктары сотторор наадата суох, ол эрээри ону тарҕатыы содуллаах буолуон сөп. Бу туһунан Судаарыстыбаннай Дуума информационнай бэлиитикэҕэ кэмитиэтин бэрэссэдээтэлин бастакы солбуйааччыта Антон Горелкин бэйэтин ТГ-ханаалыгар иһитиннэрдэ.
«Сүрүн суолталаах түгэнинэн блогер сокуон күүһүгэр киирбитин кэннэ, угуйугу хаттаан тарҕатар түгэнигэр ыстарааптанар», – диэн парламентарий быһаарда. «Онно эргэ угуйуктаах иһитиннэриигэ араас ыйыылар баар буоллахтарына, эбэтэр «закреп» туруоруу, болҕомтону тардар атын ханнык эмит дьайыылар киириэхтэрин сөп», – диэн Горелкин чуолкайдаата.
«Регулятор быһаарыытынан, угуйуктаах эргэ иһитиннэрии сүбэлиир алгоритмынан үөһэ тахсара, туох эмэ көхтөөх хамсааһын барбыт буоллаҕына эрэ сокуону кэһиинэн ааҕыллар», – диэн кэмитиэт бэрэссэдээтэлин солбуйааччыта эбэн эттэ.
Екатерина Хансон санаатынан, сыллар устата мунньуллубут угуйуктаах контент бобуллубут соцситимнэргэ хаттаан тарҕанар түгэнигэр содуллаах буолар.
«Санаан көрүҥ, урукку суруллубут контент эмискэ хаттаан тарҕаныан сөп. Холобур, күрэстэһээччилэртэн эбэтэр эһигини сөбүлээбэт дьонтон ким эмит биллэриини репост оҥордоҕуна эбэтэр көхтөөхтүк кэмэнтээрий суруйан, ырытан бардаҕына, соцситим алгоритмнара эһиги билбэккитинэн тарҕатан барыахтарын сөп. Онон, мин санаабар, маннык контены суох гынар ордук: архыыпка уган эбэтэр сотторор», – диэн кини эттэ.
Алтынньы 13 күнүгэр Дьокуускайга Индия киинэтин иккис бэстибээлэр буолан ааста. Көрөөччүлэргэ «Лена» киинэ тыйаатырыгар «Пушкара»…
Аны түөкүттэр сиэртибэлэринэн билсиһии саайтарын туһанааччылара буолуохтарын сөп. Хара санаалаахтар дьон итэҕэлигэр киирэн, тус дааннайдарын…
Куонкурус «Тигр» добровольческай этэрээт уонна «Дьылҕа» сурунаал арт-бырайыагын көҕүлээһиннэринэн, РФ Бэрэсидьиэнин Уһук Илиҥҥи федеральнай уокурукка…
Дьокуускай куораттааҕы силиэстийэлиир отдела алтынньы 13 күнүгэр сарсыарда 11 чаас саҕана Хатас сэлиэнньэтин Совхознай уулуссатыгар…
Айсен Николаев өрөспүүбүлүкэҕэ хоруупсуйаны утары охсуһууга хамыыһыйа мунньаҕын ыытта, диэн sakha.gov.ru иһитиннэрэр. Мунньахха интэриэс конфликтарын…
Новосибирскайга хапкидоҕа «Азия-Сибиир» диэн ааттаах Бүтүн Арассыыйатааҕы күрэхтэһии түмүктэннэ. Саха сирин күрэсчиттээрэ ситиһиилээхтик кыттан, мэтээллэри…