Ыйыт-хоруйдуубут: “Бойобуой дьайыы бэтэрээнин” статуһа тугу биэрэрий?

– “Бойобуой дьайыы бэтэрээнин” статуһа тугу биэрэрий?

Бу дастабырыанньаны анал эпэрээссийэҕэ кыттыы саҕаланаатын кытта тута толорторуллар.

“Бойобуой дьайыы бэтэрээнэ” статус маннык чэпчэтиилэри биэрэр:

1. Биэнсийэни хааччыйыыга.
2. Олорор дьиэ төлөбүрүгэр ороскуот 50 % толуйуу: ол эбэтэр олорор дьиэни куортам­нааһын (наем) эбэтэр элбэх кыбартыыралаах дьиэни көрүү-истии иһин, үлэлэр төлөбүрдэрин; элбэх кыбартыыралаах дьиэҕэ уопсай баайы-дуолу көрүү уонна быстах өрөмүөн иһин; элбэх кыбартыыралаах дьиэҕэ уопсай баайы хапытаалынай өрөмүөн иһин.
3. Кыбартыыраҕа төлөпүөнү уочарата суох туруортарыы.
4. Олорор дьиэни тутууга, гараас кэпэ­рэтиип­тэригэр киирэргэ ордук туһалаах.
5. Сад уонна оҕуруот сир учаастактарын ылыыга бастакы уочараттаах быраабынан.

Биэнсийэҕэ таҕыстаҕына бэтэрээн үлэлиир кэмигэр сыһыарыллыбыт мэдиссиинэ тэрилтэтигэр көрдөрүнэр кыахтаах.

Сыллата табыгастаах кэмигэр уоппускатын ылар, ону тэҥэ сылга халандаарынан 35 күн төлөммөт уоппусканан туһанар кыахтаах.