Хаартыска: ЯСИА
Бырааһынньыктааҕы күннэргэ үлэ биэрээччи үлэһиккэ куттала суох үлэ усулуобуйатын хааччыйыахтаах. Бу үлэ харыстабылын нуорматын тутуһууну, ону тэҥэ сынньанарга уонна аһыырга быыс бириэмэни тэрийиини киллэрэр. Үлэһит бырааһынньыктааҕы күн үлэтэ сылайыыга-элэйиигэ эбэтэр доруобуйата мөлтүүрүгэр тиэрдибэтэ сүрдээх улахан суолталаах диэн «Газета.Ru» юрист Зара Горбушина хоруйдаата.
«Бырааһынньык күннэргэ үлэлииргэ докумуону сөпкө оҥорууга ураты болҕомтону ууруохха наада. Үлэ биэрээччи үлэһиттэн суругунан сөбүлэҥин эрэ ылыа суохтаах, ону таһынан үлэҕэ тардарын туһунан бирикээс таһаарыахтаах. Онно үлэҕэ тардыы төрүөтэ, үлэлиир кэмэ, төлөбүр кээмэйэ эбэтэр отгул бэриллэр бэрээдэгэ ыйыллыахтаах. Ону сэргэ, үлэ бириэмэтин учуоттуур таабылга үлэлээбит кэми чопчу бэлиэтиир ирдэнэр», — диэн кини быһаарда. Өскөтүн үлэһит бырааһынньык күн үлэҕэ тардылларыгар кини бырааба кэһилиннэ дии санаатаҕына, кини үлэ иниспиэксийэтигэр эбэтэр суукка үҥсэр бырааптаах. Үлэ иниспиэксийэтэ үлэ биэрээччи үлэ сокуонун тутуһуутун бэрэбиэркэлиэҕэ уонна кэһии көһүннэҕинэ, ону туоратар дьаһаллары ылыаҕа, ол иһигэр үлэ биэрээччини административнай эппиэтинэскэ тардыаҕа.
«Үлэһит бырааһынньык күн үлэлииргэ сөбүлэстэҕинэ, ол эрээри төлөбүр эбэтэр отгул бэриллиитин туһунан сөбүлэспэт түгэннэригэр, үлэ юриһыгар барар сүбэлэнэр. Квалификациялаах исписэлиис балаһыанньаны сыаналыырга, кыһалҕаны быһаарар араас ньымалары булунарга уонна үлэһит быраабын көмүскүүргэ көмөлөһүөҕэ», — диэн юрист бэлиэтээтэ.
Онон, Саҥа дьыллааҕы бырааһынньыктарга, ону тэҥэ ханнык баҕарар атын өрөбүл уонна үлэтэ суох бырааһынньык күннэргэ үлэлиир буоллахха, үлэ сокуонун үлэ биэрээччи да, үлэһит да кытаанахтык тутуһуохтаах. Бэйэ быраабын уонна эбээһинэһин билии мөккүөрдээх түгэннэртэн туттунарга уонна бэйэ интэриэһин көмүскэнэргэ көмөлөһөр.
— Дьиэни-уоту бэлэх курдук ыллахпына, дохуот төлөтөллөр дииллэр. Кырдьык дуо? Ыйытыыга Арассыыйа Нолуокка ФС Саха…
Элбэх кыбартыыралаах дьиэлэргэ тапсан олоруу быраабылаларын, сиэри-майгыны төһө билэбитий, тутуһабытый? Бу өрөспүүбүлүкэбит үгүс олохтоохторугар сыһыаннаах…
Ахсынньы-тохсунньу тоһуттар томороон тымныылара бүтэн, халлаан сылыйан, хаһаайкалар аны сайыҥҥа, сорохтор оннооҕор кэлэр идэһэҕэ диэри…
Күүһү түмтэххэ, кыттыстахха, кыаллыбат да кыалларын Бүлүү улууһун Халбаакы нэһилиэгин үтүө холобуругар көрүөххэ сөп. Манна…
— Хапытаалынай өрөмүөн иһин усунуоһу төлөөһүҥҥэ өйөбүл миэрэтэ баар дуо? Ыйытыыга “Субсидиялар ааҕыныстыбалара” СӨ ГКУ…
Кэлиҥҥи кэмҥэ оскуола оҕолоруттан саҕалаан урбаанньыттарга тиийэ бэйэ бородууксуйатын биир көрүҥэр – мыыла оҥорон таһаарыытыгар…