ЫЙЫТ-ХОРУЙДУУБУТ: Поликлиникаҕа быраас суох буоллаҕына, хайыыбытый?

Полклиникаҕа быраас суох буоллаҕына, хайыыбытый? Ыйытыыга “Объясняем. рф”  саайтка маннык хоруйдаабыттар.

Поликлиникаҕа наадалаах исписэлиис быраас суох буоллаҕына, тугу гынабыт?

Эһигини наадыйар бырааска атын килииньикэҕэ ыытыах тустаахтар. Эһигини Булгуччулаах мэдиссиинискэй страхование (ОМС) полиһынан босхо көрүөхтээхтэр. Ол туһугар терапевт бырааска тиийэн, № 057/у-04 форманан направление көрдөөҥ.

Направление биэрбэтэхтэринэ тугу гыныахха сөбүй?

1. Быраас аатыгар наадалаах исписэлиискэ консультацияны тэрийэригэр көрдөһөн сайабылыанньата суруйуҥ.

2. Докумуону туппуттарын туһунан бэлиэтэ ылыҥ — штамп эбэтэр киирбит нүөмэр.

3. Эппиэти күүтүҥ — сокуон быһыытынан, эһигини сайабылыанньа биэрбиккит кэннэ 14 үлэ күнүн иһигэр көрүөхтээхтэр.

Эһиэхэ көмөлөспөтөхтөрүнэ, чааһынай килииньикэҥэ барыҥ, бары чиэктэри хаалларыҥ уонна бэйэҕит поликлиникатыгар толуйууга сайабылыанньата биэриҥ.

Аккаастаатахтарына суукка үҥсэ барыҥ. Бары эппиэттэри суругунан бэлиэтэтиҥ — бу үҥсүүгэ дакаастабыл буолуоҕа!

Поликлиникаҕа быраастар суох буоллахтарына, ханна үҥсүөххэ сөбүй?

• поликлиника салалтатыгар, холобура, кылаабынай бырааска, поликлиника отделениетын сэбиэдиссэйигэр;
• ОМС полиһын биэрбит страховой хампаанньаҕа;
• уобаластааҕы Доруобуйа харыстабылын министиэристибэтигэр;
• медстраховкалааһын сирдээҕи-уоттааҕы пуондатыгар;
• Росздравнадзорга саайтынан эбэтэр төлөпүөнүнэн үҥсүүтэ ыытыҥ;
• быраастар куруук суох уонна этиигитигэр кыһаммат буоллахтарына, суукка биэриэххитин сөп.