ЫЙЫТ-ХОРУЙДУУБУТ: Быыпыска туохха нааданый?

— Хамсаабат баай-дуол биир кэлим судаарыстыбаннай реестриттэн (ЕГРН) быыпыска туохха нааданый?

Ыйытыыга “Роскадастр” публичнай-правовой хампаанньа Саха Өрөспүүбүлүкэтигэр филиалын дириэктэрэ Яков Алексеев маннык хоруйдаата:

— Хамсаабат баайы-дуолу билиигэ быраап туһунан иһитиннэриилээх ЕГРН быыпыската бу эбийиэк ким бас билиитэ буоларын туоһулуур. Бу докумуон мэнэйдэһиигэ олус наадалаах: атыылаһыыга-атыылааһыҥҥа, бэлэхтээһиҥҥэ, нэһилиэстибэҕэ уонна бас билии бырааба уларыйыытын кытта сибээстээх атын акталарга. Туһааннаах быыпыска баайга-дуолга быраапка тахсар  мөккүөртэн куотарга көмөһөр.