Хаартысканы Мария Решетникова тиксэрдэ.
— Дьокуускайга Сэргэлээх аартыгар баар Өрөспүүбүлүкэтээҕи чөлүгэр түһэрэр (реабилитационнай) кииҥҥэ оҕону хайдах киллэриэххэ сөбүй?
Лена Афанасьевна.
Ыйытыыга Анна Дмитриевна Пудова, Өрөспүүбүлүкэтээҕи доруобуйаларынан хааччахтаах оҕолору реабилитациялыыр киин дириэктэрин уопсай боппуруостарга солбуйааччыта эппиэттээтэ:
— Биһиги кииммитигэр судаарыстыбаннай сорудах быһыытынан инбэлиит эрэ оҕолору ылабыт. Инбэлиит оҕолоох төрөппүт олорор сиригэр баар Социальнай харысхал управлениетыгар тиийэн уочаракка суруйтарыахтаах. Биһиги улуустар, куораттар управлениеларын кытта биир ситиминэн үлэлиибит. Кинилэр ыыппыт оҕолорун чөлүгэр түһэрэбит, бэйэбит испииһэк оҥоруутунан дьарыктаммаппыт. Онон оҕолорун кииҥҥэ киллэриэхтэрин баҕарар инбэлиит оҕолоох төрөппүттэр Социальнай харысхал управлениетын нөҥүө биһиэхэ кэлэллэр. Биһиги Кииммитигэр оҕону төрөппүтүн эрэ кытта ылабыт, үлэлиир төрөппүттэргэ больничнай арыллар.
Оттон инбэлиитэ суох эрээри доруобуйатынан хааччахтаах оҕолору мэдиссиинискэй страховкалааһын нөҥүө ылабыт. Маныаха төрөппүт оҕотун учаастактааҕы педиатр эбэтэр невролог нөҥүө биһиэхэ суруйтарар. Быраастар биһиги медрегистраторбытыгар эрийэн, оҕо ханнык диагнозтааҕын этэн туран, чөлүгэр түһэриигэ суруйтараллар, күнүн быһаарсаллар.
Төлөпүөммүт: 318–005 (эб. 1).
Хой Социальнай ситиминэн аһара үлүһүйэр, онон эрэ дуоһуйар буолбуккун. Дьиҥ олоҕуҥ аттыгынан элэҥнээн ааһаары гыммыт.…
Бүгүн, олунньу 13 күнүгэр, Саха сирин сорох улуустарыгар -6 кыраадыс буолара күүтүллэр диэн УГМС иһитиннэрэр.…
Төрөөбүт тыл уонна сурук-бичик күнүн чэрчитинэн Ил Түмэҥҥэ “СӨ судаарыстыбаннай уонна официальнай тыллара: кыһалҕата, кэскилэ”…
Суут бириистэптэрин Дьокуускай куораттааҕы отделениета 300-тэн тахса тыһыынча суумаҕа оҥоһуллубут хоромньуну ирдиир туһунан быһаарыыны таһаарда.…
“Госуслуга” биир кэлим порталыгар бэйэҥ иэскин эрэ буолбакка, атын дьон эбэтэр тэрилтэлэр иэстэрин бэрэбиэркэлиир өҥө…
СӨ Бырабыыталыстыбатын 2025 сыллааҕы үлэтин отчуоттуур сүбэ мунньаҕа Үөһээ Бүлүү нэһилиэгэр ыытылынна. Мунньаҕы СӨ Бырабыыталыстыбатын…