Ыйыт-хоруйдуубут: Дьахталлар булка көҥүлү үллэриигэ кыттыахтарын сөп дуо?
![](https://sakha-sire.ru/wp-content/uploads/2024/06/nz3hgtfm83e-900x596.jpg)
— Дьахталлар булка көҥүлү үллэриигэ сэрэбиэйдэһиигэ кыттар бырааптаахтар дуо? Туйахтаахтарга, чуолаан, тайахха ылаары гынабын.
Хоту улуустан.
Александр Новиков, Абый улууһунааҕы Экологияны судаарыстыбаннай кэтээн көрүүгэ иниспиэксийэтин ыстаарсай судаарыстыбаннай иниспиэктэрэ:
— Дьахталлар кыттыахтарын сөп. Хайаан даҕаны булчут билиэттээх буоларгыт ирдэнэр. Биһиэхэ, Абый улууһугар, быйылгы булт көҥүлүн үллэрэр сэрэбиэйдэһиигэ дьахталлар сайабылыанньа биэрдилэр. Холобур, биһиэхэ тайахха үс көрүҥтэн талаллар. 1. Улахан тайах. 2. Атыыр тайах сүүрүн (гон) кэмигэр. 3. 1 диэри саастаах тайах.
Улахан тайаҕы бултааһын болдьоҕо — 2024 сыл балаҕан ыйын 15 күнүттэн 2025 сыл тохсунньу 10 күнүгэр диэри. Атыыр тайах сүүрүн кэмигэр — 2024 сыл балаҕан ыйын 15 күнүттэн 2025 сыл тохсунньу 10 күнүгэр диэри. 1 диэри саастаах тайах — 2024 сыл балаҕан ыйын 15 күнүттэн 2025 сыл тохсунньу 10 күнүгэр диэри.
СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ маннык сэрэбиэй бэрээдэгинэн бултуур көҥүлү ылыыны ыытара дьэҥкэ, табы гастаах буолбутун нэһилиэнньэ биһирээтэ.
Сообщить об опечатке
Текст, который будет отправлен нашим редакторам: