Ыйыт-хоруйдуубут: Дьиэ урут тутуллубут буоллаҕына, Ийэ хапытаалын ылыахха сөп дуо?

Дьиэ кэргэн дьиэтин урут туттубут буоллаҕына, Ийэ хапытаалын үбүн ылыан сөп дуо? Манна Социальнай пуонда Саха сиринээҕи салаата хоруйдуур.

Өскөтүн ыал федеральнай Ийэ хапытаалын сэртипикээтин ылыан иннинэ (оҕо төрүөн иннинэ), ол эрээри 2007 сыл тохсунньу 1 күнүн кэнниттэн  дьиэтин туттубут буоллаҕына, харчынан төлөбүрү (компенсацияны) ылыан сөп. Компенсация харчыта хапытаал сууматын бүтүннүүтүгэр, эбэтэр, сорох чааһыгар бэриллэр. Ийэ хапытаалын 2007 сылтан биэрэр буолбуттара.

Дьиэ ийэ хапытаалын сэртипикээтин ылбыт киһи, кини кэргэнин, оҕолорун уопсай бас билиилэригэр суруллубут буолуохтаах.