ЫЙЫТ-ХОРУЙДУУБУТ: Дьиэҕэ табахтааһын ыстараапка тиэрдиэн сөп дуо?

Госдуумаҕа Тутууга уонна ОДьКХ кэмитиэтин бэрэссэдээтэлин солбуйааччы Сергей Колунов кэпсээбитинэн, бэйэ кыбартыыратыгар табахтыыр киһиэхэ ыстараап олохтонуон сөп. Ол ыаллыы олорооччуларга эбэтэр элбэх кыбартыыралаах дьиэ уопсай сирдэригэр табах буруота салгын ситиминэн (вентиляция) эбэтэр түннүгүнэн тарҕанар буоллаҕына.

Ыстараап кээмэйэ 1,5 тыһыынча солкуобайга тиийиэн сөп. Парламентарий быһаарбытынан, чааһынай бас билиигэ табахтыыр бобуллубатын да иһин, ыаллар бырааптара кэһиллэр түгэнигэр үҥсүү эбэтэр суут ирдэбилин түһэриэхтэрин сөп. Маннык түгэннэр элбэътэр, оннооҕор сууттар 5 тыһыынча солкуобайга диэри кэмпэнсээссйиэни анаабыттара баар. Ол эрээри, эмсэҕэлээбит дьон куһаҕан сыттаах буруо чуолкай чугас ыалларыттан тахсарын дакаастыахтаахтар.

«Суут санитарнай нуорманы кэһии иһин административнай эппиэтинэһи олохтуон сөп. Ыстараап кээмэйэ 500-тэн 1,5 тыһыынча солкуобайга диэри буолар», — диэн Колунов бэлиэтээтэ. Ону таһынан, дьокутаат болкуоннарга табахтыыр көҥүллэнэрин, ол гынан баран баһаартан сэрэхтээх буолуу быраабылаларын тутуһан уонна ыаллар интэриэстэрин учуоттаан эрэ табахтыахха наадатын санатта.