Хаартыска: sakha.gov.ru
— Дьиэни-уоту бэлэх курдук ыллахпына, дохуот төлөтөллөр дииллэр. Кырдьык дуо?
Ыйытыыга Арассыыйа Нолуокка ФС Саха Өрөспүүбүлүкэтигэр управлениетын пресс-сулууспата маннык хоруйдуур:
— Кырдьык, 2025 сылга хамсаабат баайы-дуолу бэлэх ылбыт киһи быйыл муус устар 30 күнүн аһарбакка эрэ учуокка турбут сиригэр баар нолуок уорганыгар декларациятын (3‑НДФЛ) толорон түһэриэхтээх. Уонна бу нолуогун 2026 сыл от ыйын 15 күнүгэр диэри төлүөхтээх.
Бэлэхтээһин диэнинэн дьиэни, кыбартыыраны эбэтэр атын хамсаабат баайы-дуолу бас билээччи буор босхо биэриитэ ааттанар.
Ол эрээри манна биири билиэххэ наада. Ол курдук, бэлэхтээһин дуогабара (договор дарения) дьиэ кэргэн эбэтэр чугас аймаххын кытта түһэрсилиннэҕинэ, РФ Дьиэ кэргэн кодексыгар сөп түбэһиннэрэн, 3‑НДФЛ декларацияны биэрии ирдэммэт. Бу түгэҥҥэ нолуок уорганыгар чугас аймахтыы буоларгытын бигэргэтэр докумуоннары ыытыахтааххын.
Өскөтүн бэлэхтээһин дуогабара көтүллүбүт түгэнигэр, дохуот аахсыбат буолан, бэлэх ылбыт киһи НДФЛ төлөөбөт. Хамсаабат баай-дуол биир кэлим судаарыстыбаннай реестригэр бас билии бырааба бэлэхтээбит киһиэхэ төттөрү көһөрүллүбүтүн туһунан суруллубут буоллаҕына эрэ босхолонор.
Бэлэхтэтэн ылбыт киһиэхэ бас билии бырааба регистрацияламмыт сылын тохсунньу 1 күнүнээҕи туругунан ол кыбартыыра эбэтэр дьиэ кадастровай сууматыттан 13 быр. НДФЛ суумата тэҥнэһэр. Нолуокка резидент буолбатахтарга нолуок ыстаапката — 30 быр. Онон декларацияны Арассыыйа Нолуокка ФС саайтыгар “Личный кабинет налого-
плательщика для физических лиц” толорон ыытаҕыт.
2026 сыл муус устар 30 күнүн аһарбакка эрэ, 2025 сылга хамсаабат баайы-дуолу бэлэхтээһин түмүгэр 3‑НДФЛ көрүҥүнэн дохуот декларацията толоруллубатаҕына, нолуок уоргана декларацията суох бэрэбиэркэни ыытыаҕа уонна кадастровай сыана туһунан Росреестртэн ылбыт иһитиннэриитинэн НДФЛ ааҕыаҕа.
Үөһээ Бүлүү улууһун саамай ыраах сытар Туобуйа нэһилиэгэр тохсунньу 29 күнүгэр оҕолорго улуустааҕы хапсаҕай күрэҕэ…
Сотору тыс этэрбэспитин уһулан уурар кэммит кэлиэҕэ. Төһө да тыа сиригэр олордорбун, этэрбэһи харайыыны билбэт…
Элбэх кыбартыыралаах дьиэлэргэ тапсан олоруу быраабылаларын, сиэри-майгыны төһө билэбитий, тутуһабытый? Бу өрөспүүбүлүкэбит үгүс олохтоохторугар сыһыаннаах…
Ахсынньы-тохсунньу тоһуттар томороон тымныылара бүтэн, халлаан сылыйан, хаһаайкалар аны сайыҥҥа, сорохтор оннооҕор кэлэр идэһэҕэ диэри…
Күүһү түмтэххэ, кыттыстахха, кыаллыбат да кыалларын Бүлүү улууһун Халбаакы нэһилиэгин үтүө холобуругар көрүөххэ сөп. Манна…
— Хапытаалынай өрөмүөн иһин усунуоһу төлөөһүҥҥэ өйөбүл миэрэтэ баар дуо? Ыйытыыга “Субсидиялар ааҕыныстыбалара” СӨ ГКУ…