Хаартыска: С.Скрябин (ЯСИА)
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата:
— Арассыыйа ФНС саайтыгар нолуокка иэһи учуоттааһын бэрээдэгин уонна иэһи сабыы туһунан иһитиннэрии (промостраница) таҕыста. Ол курдук, сэтинньи 1 күнүттэн физическэй сирэйдэртэн нолуокка иэһи ирдээһин саҥа бэрээдэгэ киирдэ. Мантан инньэ иэһи суута суох (внесудебнай) уонна суутунан ирдээһин нолуок сууматын кытта төлөөччү сөбүлэһиититтэн уонна сөбүлэспэт буолуутуттан тутулуктаах. Урукку быраабыланан нолуокка иэһи суутунан туталлара. Маныаха үксүгэр нолуогу төлөөччү иэһин сууматын кытта сөбүлэһэрэ, ол эрээри, бу бэрээдэк хайаан да суукка булгуччу тиийэри ирдиирэ. Бу иэстээх киһи ороскуотун үрдэтэрэ, тоҕо диэтэххэ, иэскэ өссө суут үлэтин ыытыы ороскуота эбиллэн биэрэрэ.
Билигин иэһи аахсыыга иэс суумата биир кэлим нолуок счетун сальдотуттан таһаарыллар. Ол эбэтэр быһаарсыы барар кэмигэр нолуогун төлөөччү атын нолуоктарын төлүөн сөп — ону иэс суотугар суруйуохтара суоҕа.
Онон 2025 сыл 31.07. күнүнээҕи 287‑ФС нүөмэрдээх федеральнай сокуон физическэй сирэйдэриттэн иэһи ирдээһин суутунан бэрээдэгин уларыппат, төттөрүтүн мөккүөрдээх иэскэ сылтаан кинини мэктиэлиир. Ону тэҥэ саҥа бэрээдэк тутан ылыыны аччатар (издержки):
— нолуогу төлөөччүлэри — суут ороскуотун төлөбүрэ, пеня билигин, ортотунан, иэс сууматын 40% куоһарар.
Холобура, өскөтүн нолуок уоргана 30 тыһ. солк. кээмэйдээх нолуок иэһин ирдииргэ суукка дьыала түһэрдэҕинэ, ону көрүү түмүгүнэн уонна уурааҕы ирдээн толорууга төлөөччү эбии 12,3 тыһ. солк. эбии төлүөхтээх (6,2 тыһ. солк. — төлүүр эбээһинэһи толорууну уһаттахха, хас сылын ахсын 17% тутаах ставканан пеня, 4 тыһ. солк. — дьыаланы суукка көрүүгэ госпошлина уонна 2,1 тыһ. солк. — суут бириистэбин толорор хомуура).
Промостраницаҕа ханнык иэһи-күүһү аахсар, хаттаан аахтарыыга сайабылыанньаны суруйуу эбэтэр бэрэбиэркэнэн уураахха үҥсүү түһэрии туһунан этиллэр. Ол курдук, нолуогу төлөөччү бэйэтэ ааҕар нолуоктарыгар сөпсөспөт буолуу туһунан ыытар табыллыбат. Бу идэҕэ сыһыаннаах дохуокка, урбаан үлэтин уонна атын да дьарык нолуоктарын туһунан, ону тэҥэ декларацияҕа көстөр НДФЛ туһунан.
Маны сэргэ саҥа бэрээдэк төлөөччү мөккүөрүн быһаарарыгар болдьоҕун уһатан биэрэр. Өскөтүн сэтинньи 1 күнүгэр диэри иэстээх киһиэхэ суут бирикээһэ ыытыллыаҕыттан быһаарсарыгар 20 күннээх буоллаҕына, билигин төлөөччү хаттаан ирдэһиэн сөп — үҥсүүнү эбэтэр үҥсүүтүгэр аккаастаабыттарын кытта сөбүлэспэт буоллаҕына — 30 күн устата.
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…