ЫЙЫТ-ХОРУЙДУУБУТ: Эбии өрөбүлү хайдах ылыахха?

Эбии өрөбүлү хайдах ылыахха? Бырааһынньыктарга эбэтэр өрөбүллэргэ үлэ иһин эбии сынньаныахха эбэтэр харчынан төлөбүрү ылыахха сөп. Бу туһунан «Объясняем. Республика Саха» телеграм-ханаал суруйар.

Кулун тутар 1 күнүттэн үлэ кэмин таһынан үлэлээбитин иһин толуйууну эбэтэр өрөбүлү таларын сэргэ сүрүн уоппускатыгар биир күнү эбэр кыахтаах.

Үлэҥ кэнниттэн үлэлээһин, ону тэҥэ өрөбүллэргэ уонна бырааһынньыктарга үлэ иһин сынньаныы көрүллэр.

Хайдах толоруохха: Үлэһит эбии үлэ (переработка)  иһин суругунан сөбүлэҥин биэрэр, үлэни биэрээччи бирикээс таһаарар.Үлэттэн сынньалаҥ (отгул) болдьоҕо хааччахтаммат, сүппэт.

Ханнык түгэннэргэ өрөбүл көрүллэрий?

• Инбэлиит оҕолоох төрөппүттэргэ 4 эбии өрөбүл күнэ.

Өрөбүллэр төлөнөллөр, күнү төрөппүттэр икки ардыларыгар үллэриэххэ сөп.

Хайдах толоруохха: каадыр отделыгар оҕоҥ докумуонун туттараҕын: төрөөбүтүн туһунан сибидиэтэлистибэ, регистрация уонна инбэлииккэ туруоруу туһунан ыспыраапка.

• Хаан тутарар донордарга өрөбүл.

Үлэһит хаан туттарбыт күнүгэр  төлөнөр уоппуска ылар.

Хайдах  толоруохха: хаан туттарбыт күннэригэр донордар пууннарыттан ыспыраапка ылаҕын, хаан туттарар күннэргэр хаһан сынньанарыҥ туһунан сайабылыанньа суруйаҕын. Донор пуунуттан ыспыраапка аҕалаҕын.

• Доруобуйа туһугар өрөбүл

Диспансеризацияны ааһар буоллаххына эбэтэр үлэни биэрээччи медчинчийиигэ ыыттаҕына хамнаскыт оннунан хаалан туран, үлэттэн босхолоноҕут (ст. 185 ТК РФ).

Хайдах толоруллар: өрүүр күҥҥүн  сөбүлэһиннэрэҕин, сайабылыанньа суруйаҕын, поликлиникаттан ыспыраапка аҕалаҕын.