ЫЙЫТ-ХОРУЙДУУБУТ: Эһээбит туһунан хантан билэбит?

— Аҕа дойду сэриитигэр эһээбит сураҕа суох сүппүтэ. Аҕа дойду Улуу сэриитигэр кини кыттыытын туһунан хантан билиэххэ сөбүй?

“Объясняем.РФ”саайтыгар маннык хоруйу таһаардылар:

— “Память народа” саайтка 109 мөл. страницаттан тахса матырыйаал Оборуона министиэристибэтин Киин архыыбыттан, байаҥкамааттартан уонна түмэллэртэн хомуллубута.

Маннык көрдүөххэ сөп:

• — билэр чахчыларгытын барытын сүрүн сирэйгэ көрдүүр строкаҕа суруйуҥ: аата, араспаанньата, аҕатын аата, төрөөбүт сыла уонна хаһан ыҥырыллыбыта, уурайбыт эбэтэр өлбүт сыла, наҕараадалара, “Найти” диэни баттааҥ. Портал бу киһини кытта сибээстээх бары докумуоннары хомуйуо;
• — көрдөөн булбут чахчылара аһары элбэх буоллаҕына, кэҥэтиллибит фильтр көмөтүнэн деталлары чопчулааҥ.
• — “Боевые операции” салааҕа интерактивнай каарта көмөтүнэн сэрии кэмигэр эһиги хаан-уруу аймаххыт сэриигэ сылдьыбыт суолун көрүҥ уонна устуоруйаҕа киирбит ханнык түгэҥҥэ кыттыбытын билиҥ.
• — Байыаннай чаас, докумуоннар уонна көмүллүбүт сирдэр тустарынан иһитиннэриини анал салааларга көрүҥ. “Истории пользователей” блокка дьон бэйэлэрин аймахтарын туһунан кэпсииллэр.