ЫЙЫТ — ХОРУЙДУУБУТ: Ханна сүбэлэтэбин?

— Өскөтүн иккилээх оҕом сайдыытыгар хаалыылаах дии санаатахпына, ханна баран сүбэ-ама ылыахпын сөбүй? Саастыылаахтарын кытта тэҥнээн көрдөхпүнэ, киһини үтүктүбэт, саҥа таһааран саҥарбат уо. д.а.

Елена Попова, Дьокуускай куора

Бу ыйытыыга хоруйдууругар Оҕолору реабилитациялыыр өрөспүүбүлүкэтээҕи киин Эрдэлээн көмө оҥорор салаатын салайааччыта Туйара Васильевна Немцева маннык хоруйдаата:

— Биһиги кииммитигэр Эрдэлээн көмө оҥорор ресурснай киин 2019 сыллаахтан үлэлиир. Манна 3‑гэр диэри саастаах оҕолору кытта үлэлэһэбит. Елена 318–005 төл. (эбии нүөмэрэ 8) эрийэн кэпсэтиэн сөп. Бириэмэтин болдьоһон баран кэллэхтэринэ, оҕону диагностикалаан, бэйэтин кытта кэпсэтэн, туох кыһалҕалааҕын быһааран, чопчу үлэлэһиэхпитин сөп.

Биһиги аадырыспыт: Дьокуускай куорат, Сэргэлээх аартыгын, 10 км, 47 дьиэ.