Хаартыска: Госдуума саайтыттан
Үлэҕэ хойутааһын эбэтэр кэлбэт буолуу, кутталлаах быһыы-майгы (силлиэ, буурҕа, хаар хаайыыта) туһунан ЫБММ, метеорологтар эбэтэр суол сулууспалара официальнайдык иһитиннэрбит эрэ түбэлтэлэригэр үлэни көтүтүүнэн ааҕыллыбат. Бу туһунан үлэһит бэйэтин салайааччытыгар эрдэттэн биллэриэхтээх.
Бу туһунан ТАСС-ка Судаарыстыбаннай Дуума Үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин чилиэнэ Екатерина Стенякина («Биир ньыгыл Арассыыйа») иһитиннэрдэ.
«Силлиэ, буурҕа уонна хаар хаайыыта тэрилтэҕитигэр тиийэргитигэр мэһэйдээтэҕинэ салайааччыгытыгар биллэриҥ. Кутталлаах быһыы-майгы туһунан ЫБММ, метеорологтар, суол сулууспалара иһитиннэрдэхтэринэ, үлэ биэрээччи эһиги кэлбэтэххитин үлэни көтүтүүнэн ааҕар кыаҕа суох», — диэн дьокутаат эттэ уонна маннык түбэлтэлэргэ суут үлэһит диэки буоларын бэлиэтээтэ.
«Онуоха салалта дьаһала, холобур, үлэһиттэри быстах кэмҥэ ыраахтан олорон үлэлииргэ көһөрүү, эбэтэр эрэгийиэн былааһын быһаарыыта наада», — диэн парламентарий түмүктээтэ. Кини ону таһынан үлэ миэстэтигэр дьиэ иһинээҕи салгын температурата СанПиН нуорматыгар сөп буолуохтааҕын санатта – чуолаан, толору үлэ күнүгэр офиска 19 кыраадыстан тымныы буолуо суохтаах.
Былырыын 5 тыһыынчаттан тахса киһи өрөспүүбүлүкэ килииникэлэригэр уустук эмтэниини ааспыт. “Национальнай бырайыактар көмөлөрүнэн тутуллубут уонна…
Индия Калькутта куоратын чугаһыгар эмтэммэт Нипах вируһа тарҕаммыта бэлиэтэннэ. Билигин биэс киһи ыалдьыбыт, сүүсчэкэ киһи…
Кыбартыыраҕа счетчик суох буоллаҕына тымныы ууга төлөбүр кээмэйэ икки бүк улаатыаҕа. Бу туһунан дойду бырабыыталыстыбатын…
Олунньу – тас көрүҥҥүн эрэ буолбакка, үп-харчы туруккун тупсарарга үтүө кэм. Астрология өттүнэн сөптөөх күҥҥэ…
Дьокуускайга СӨ Үлэҕэ уонна социальнай сайдыыга министиэристибэтин Өрөспүүбүлүкэтээҕи сэминээр-сүбэ мунньаҕа саҕаланна. Тэрээһиҥҥэ социальнай үлэһиттэр кыттыыны…
2026 сыл кулун тутар 1 күнүттэн Арассыыйа олохтоохторо суоппар быраабыгар тэйиччиттэн олорон үөрэнэр кыахтаннылар. Автооскуолаларга …