Уулуссаҕа хааман иһэн харчы буллаххытына хайыыгытый? Бэйэҕитигэр ыллаххытына, уорбут аатыраҕыт. Оччотугар?
Хас биирдии харчы хаһаайыннаах, онон кинини була сатыахтааххыт. Сытар харчыны тыыппатах ордук, баҕардар, түөкүттэр анаан хаалларбыттара буолуо. Харчыны ыллыгыт да, тута биллэн кэлиэхтэрин, онно-манна балыйа сатыахтарын сөп диэн объясняем.рф саайт суруйар.
Булумньу туһунан полицияҕа иһитиннэрэр наада. Полицияны ыҥырыаххытын уонна сайабылыанньа суруйуоххутун сөп. Онно хаһан, ханна, төһө харчыны булбуккутун ыйаҕыт.
Түөкүттэр чугаһынан суохтар диэтэххитинэ, харчыны полиция учаастагар эбэтэр олохтоох дьаһалтаҕа илдьиҥ. Онно быстах кэмҥэ харайыахтара, эһиэхэ толуон биэриэхтээхтэр. Булумньугутун дьиэҕитигэр харайаргытыгар диэн төттөрү биэриэхтэрин сөп, оччотугар харчы туһугар эһиги эппиэтинэһи сүгэҕит.
Булбут харчыгыт ханна да хараллыбытын иһин, алта ый иһигэр хаһаайына булуллубатаҕына, эһиэнэ буолар.
Алта ый бэйэҕит илдьэ сылдьыбыт буоллаххытына, ханна да бара сылдьар ирдэммэт. Оттон булумньу харчыны полицияҕа эбэтэр дьаһалтаҕа туттарбыт буоллаххытына, пааспардаах уонна ылбыт толуоҥҥутун илдьэ баран ылыаххытын сөп.
Оттон харчыны тырааныспарынан айаннаан иһэн, маҕаһыыҥҥа сылдьан булбут буоллаххытына, бу тырааныспар эбэтэр маҕаһыын хаһаайыныгар тиксэриэххитин наада. Оччотугар эбэһээтилэстибэ бу киһиэхэ сүктэриллэр, алта ыйынан харчы хаһаайына көстүбэтэҕинэ, кини бу харчыны бэйэтигэр ылар бырааптаах.
Өйдөөҥ, харчыны булан баран ханна да иһитиннэрбэккэ бэйэҕитигэр ыллаххытына, уоруу иһин ыстарааптаныаххытын, биэс сылга диэри көҥүлгүт быһыллыан сөп.
Ааспыт сууккаҕа буруйу оҥоруу туһунан СӨ Борокуратуурата иһитиннэрэр. Ленскэйгэ 43 саастаах дьахтар доруобуйатын улаханнык эчэттилэр.…
Алтынньы 7 күнүгэр Дьокуускай куораттааҕы ИДЬМ 1-кы нүөмэрдээх салаатыгар куорат оскуолатыгар мөккүөр тахсыбытын туһунан иһитиннэрии…
"Дьокуускай-Аллараа Бэстээх" хайысханан паром сырыыта күн-дьыл эмискэ тымныйыытынан уонна өрүскэ уустук гидрологическай туругунан сибээстээн эрдэ…
ИДьМ Дьокуускайдааҕы 4-c №-дээх полиция салаатыгар салайар хампаанньа бэрэстэбиитэлиттэн үҥсүү киирбит. Ол курдук, өрөмүөн үлэлэрэ…
Бүгүн Саха сирин сорох улуустарыгар 35 кыраадыска тиийэ тымныйыаҕа диэн УГМС иһитиннэрэр. Өрөспүүбүлүкэ арҕаа, соҕуруу,…
Мэдиссиинэ национальнай киинин Перинатальнай киинигэр алтынньы 23 күнүгэр ийэлэри уонна аҕыс саҥа төрөөбүт оҕону үөрүүлээхтик…