Ыйыт-хоруйдуубут: хас кыраадыска үөрэммэттэрий?

Ааҕааччыларбыт үөрэххэ сыһыаннаах ыйытыыларыгар хоруйдары бэлэмнээбиппитин таһаарабыт.

Ыйытыы: Оҕолор хас кыраадыска үөрэммэттэр этэй?

Хоруй: Дьокуускай куораттааҕы үөрэх управлениета былырыын таһаарбыт бирикээһигэр тыал күүһэ эмиэ учуоттанар. Онно олоҕурдахха, 1-5 кылаас оҕолоро тыала суох буоллаҕына, -45 кыраадыс тымныыга үөрэммэттэр. Сиһилии табылыыссаҕа көрүҥ.

“Дьокуускай куорат” куораттааҕы уокурукка тымныынан сибээстээн оҕолор үөрэхтэрэ, эбии дьарыктара тохтуур эрэсиимэ:

Кылаас     Тыала суох кыраадыс       1 м. тыаллаах кыраадыс       2 м. тыаллаах кыраадыс       3-5 м тыаллаах кыраадыс
1-5                       -45С                                                             -44С                                                 -43С                                                -42С

1-8                      -48С                                                            -47С                                                   -46С                                                 -45С

1-11 (12)             -50С                                                            -49С                                                  -48С                                                 -47С
Оттон хайа эрэ нэһилиэк оскуолатыгар хас кыраадыс тымныыга үөрэммэттэрин улуустааҕы үөрэх управлениета быһаарар, онтон чопчулаһыҥ.