Ыйыт-хоруйдуубут: Хаттаан сэрэбиэйдэһии ыытыллар дуо?

– Лимииттэнэр кыыллары бултааһыҥҥа хаттаан сэрэбиэйдэһии ыытыллар дииллэр. Хаһан ыытылларый?

Ыйытыыга СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин Булт департаменын салайааччыта Владимир Решетников маннык хоруйдаата:

–  Бастакы сэрэбиэйдэһии түмүгүнэн атырдьах ыйын 31 күнүгэр диэри көҥүллэрин ылбатах дьон киэнин, ону таһынан, биотиэхиньиичэскэй тэрээһиннэри ыытыыга кыттааччылартан  ордубутун хаттаан сэрэбиэйдэһиигэ киллэрэбит. Ол курдук, лимииттээх кыыллары бултааһыҥҥа (туундара популяцията хотугу табаттан, киистэн уратыларга). Билигин өрөспүүбүлүкэ үрдүнэн 1000 кэриҥэ көҥүлү кэлэн ылбатахтара чопчуланна. Быһата,  ордубут көҥүллэри бу сотору ыытыллыахтаах хаттаан сэрэбиэйдэһиигэ түҥэтиэхпит.