Ыйыт-хоруйдуубут: Игирэ ньирэй төрөөһүнэ тоҕо элбээтэ?

– Быйыл игирэ ньирэй төрөөһүнэ тоҕо элбээтэ?

Максимовтар.

Ыйытыыга “Сахаагроплем” судаарыстыбаннай бүддьүөт тэрилтэтин отделын зоотехнига Татьяна Протопопова маннык хоруйдаата:

–  Маннык көстүү быйыл эрэ бэлиэтэммэт, ынаҕы искуствен­найдык буоһатар хаһаайыстыбаларга, нэһилиэктэргэ, бааһынай-пиэрмэр хаһаайыстыбаларыгар, кэтэх ыалларга ынахтар игирэлэнэллэр. Бу генетика – удьуор быһыытынан бэриллэр. Улуустарга биир оҕуһу хас да улууска сыһыарабыт. Ол улуустарга бу оҕустан хас да игирэ эмиэ төрүөн сөп. Онон искусственнай буоһатыы уонна оҕустар көмөлөрүнэн игирэ ньирэйдэр төрүүллэр.