Ыйыт-хоруйдуубут: “ИНН хайдах ылабын?”

— ИНН сибидиэтэлистибэтин дьиэттэн олорон хайдах ылыахха сөбүй?

А. Петрова.

Арассыыйа ФНС Саха Өрөспүүбүлүкэтигэр управлениетын судаарыстыбаннай өҥөлөрү оҥорууга 1 №-дээх отделын кылаабынай судаарыстыбаннай нолуокка иниспиэктэрэ Елена Слепцова маннык хоруйдаата:

— Эһиги Арассыыйа Нолуокка федеральнай сулууспатыгар нолуок учуотугар туруорар уонна ИНН электроннай сибидиэтэлистибэтин ылар туһунан сайабылыанньа суруйуоххутун сөп. Ону тэҥэ бэйэҕит ИНН-ҥыт туһунан иһитиннэриини электроннай сервистэр көмөлөрүнэн ылар кыахтааххыт.

Сибидиэтэлистибэни электроннай көрүҥүнэн маннык сервистэринэн:

— ИНН сибидиэтэлистибэтин сакаастыыргытыгар бастакы сирэйгэ “Получить свидетельство ИНН” салааҕа киирэн, нолуок уорганыгар учуокка туруорар туһунан сайабылыанньа ыытаҕыт. ИНН-ҥыт “Профиль/Персональные данные/Свидетельство ИНН” разделга тахсыаҕа.

— Арассыыйа ФНС “Подача заявления физического лица о постановке на учет в налоговом органе в Российской Федерации” сервиһэ. ИНН-ы кумааҕынан нолуок уорганыттан нөҥүө күнүгэр ылаҕыт.

— “Сведения об ИНН физического лица” сервис. Сервис интерактивнай түннүгэр ыйытык ыыттыгыт даҕаны, экраҥҥа ИНН туһунан иһитиннэрии тахсар.

— ИНН-ы Биир кэлим судаарыстыбаннай өҥө порталыттан ылыахха сөп. Бэлэм сибидиэтэлистибэ “Тус кэбиниэккитигэр” PDF докумуон курдук көстүөҕэ уонна нолуок уорганын электроннай илии баттааһыннаах буолуоҕа.

“Госключ” мобильнай сыһыарыыга эрдэттэн босхо оҥоһуллубут электроннай илии баттааһыны туруоран баран нолуогу төлөөччү тустаах уоргаҥҥа сайабылыанньа ыытар.