ЫЙЫТ-ХОРУЙДУУБУТ: ИНН-ҥа сыһыаннаах дуо?

— Кэлэр 2026 сылтан нолуок быраабылатыгар эмиэ туох эрэ уларыйыы киирэр дуо? ИНН сибидиэтэлистибэтигэр сыһыаннаах дэһэллэр.

Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Георгиевна Гуляева маннык хоруйу бэлэмнээн ыытта:

— Арассыыйа ФНС Саха Өрөспүүбүлүкэтигэр управлениета иһитиннэрбитинэн, 2016 сыл тохсунньу 1 күнүттэн физическэй уонна юридическай сирэй нолуок уорганыгар регистрацияны ааспытын бигэргэтэр сүрүн докумуонунан Нолуогу төлөөччү биир кэлим судаарыстыбаннай реестриттэн быыпыска (ЕГРН) буолуоҕа. Урут нолуок уорганыгар учуокка туруоруу туһунан бэриллибит сибидиэтэлистибэлэри (ИНН сибидиэтэлистибэтэ) уларыппаккын, кинилэр юридическай өттүнэн күүстэрин сүтэрбэттэр.

ЕГРН быыпысканы бэйэҥ маннык ылыаххын уонна толорторуоххун сөп:

•  Арассыыйа ФНС дьиҥ таһымнаах саайтыгар “Сведения об ИНН физического лица” сервискэ;
•  “Личный кабинет налогоплательщика физического лица” нөҥүө;
•  Госөҥө порталынан.

Быыпыска электроннай көрүҥүнэн бэриллэр уонна идентификацияланар киһи араспаанньатын, аатын, аҕатын аатын, төрөөбүт күнүн, ИНН туһунан чахчылардаах. Маны күүһүрдүллүбүт электроннай илии баттааһынынан илии баттанар уонна дуоһунастаах киһи бэйэтэ илии баттааһыннаах кумааҕынан бэриллибит быыпыскатыгар уонна нолуок уорганын бэчээтинэн бигэргэтиитигэр тэҥнээх.

Ону тэҥэ 2016 сылтан нолуок уорганыгар учуокка туруоруу эбэтэр учуоттан устуу туһунан биллэрии тохтотуллар. Бу сибидиэнньэлэр Юридическай сирэйдэр биир кэлим судаарыстыбаннай реестрдэриттэн (ЕГРЮЛ) регистрационнай чахчылары, Урбаанньыттар биир кэлим судаарыстыбаннай реестрдэрин (ЕГРИП), ону тэҥэ аккредитацияламмыт филиаллар, тас дойду тэрилтэлэрин бэрэстэбиитэлистибэлэрин тэҥэ ЕГРН быыпыскатыгар суруллуохтара.