ЫЙЫТ-ХОРУЙДУУБУТ: Кэлэр сылтан оҕо кыраныысса таһыгар тахсарын быраабылата хайдах уларыйарый?

Кэлэр сылтан 14 саастарын туола илик оҕолор Арассыыйаттан кыраныысса таһыгар тустаах пааспарынан эрэ тахсыахтара — 2026 сыл тохсунньу 20 күнүттэн бу пааспар Абхазияҕа, Белоруссияҕа, Соҕуруу Осетияҕа, Казахстаанҥа уонна Киргизияҕа айанныырга эмиэ наада буолуоҕа.

Өскөтүн оҕо бу кэм иннинэ төрөөбүтүн туһунан туоһулуур докумуонунан  кыраныысса таһыгар тахсыбыт буоллаҕына, ол докумуонунан төннүөн сөп. Бу туһунан объясняем.рф саайт иһитиннэрэр.

Итини таһынан төрөөбүтүн туоһулуур докумуон сүппүт, алдьаммыт, эбэтэр айан кэмигэр оҕо 14 сааһын туолбут буоллаҕына, Арассыыйа консульстволара тустаах пааспары оҥорон биэриэхтэрэ. Өскөтүн 14 сааһын туола илик оҕону кытта кыраныысса таһыгар барар буоллаххытына, айаҥҥа барыаххыт иннинэ биир ыйтан итэҕэһэ суох  кыраныысса таһыгар тахсар тустаах пааспары оҥотторуҥ.

Пааспары төрөппүт эбэтэр сокуоннай бэрэстэбиитэл эрэ оҥотторор кыахтаах:

• «Госуслуги» портаалга онлайн-ньыманан;
• Элбэх өҥөнү оҥорор кииҥҥэ эбэтэр ИДьМ миграция боппуруостарын отделыгар;
• кыраныысса таһыгар баар Арассыыйа консульстволарыгар.

14 саастарын туолбут оҕолорго уонна улахан дьоҥҥо бу хайысхаларынан айанныырга уруккутун курдук тустаах пааспар ирдэнэр.