ЫЙЫТ-ХОРУЙДУУБУТ: Косметологияҕа нолуоктан вычет ылыахха сөп дуо?

Косметологическай килииньикэлэр килийиэннэрэ төлөөбүт өҥөлөрүн сыанатыттан 13% нолуоктан вычет төлөбүрүн ылыахтарын сөп. Ол эрээри, бу ороскуокка барытын – уоһу улаатыннарыыттан саҕалаан мыччыстыыны көннөрүүгэ тиийэ өҥөҕө вычет көрүллүбэт, диэн aif.ru эспиэрдэрэ кэпсээтилэр.

«Косметическай уонна косметологическай өҥөлөрү араарыахха наада. Холобур, косметическай процедуралары оҥоттордоххо, эмтэниигэ нолуоктан социальный вычет бэриллибэт. Косметическай процедураларга, көрүнүү-харыстаныы процедуралара, араас спа-ритуаллар, контурнай пластика, ол иһигэр филлердэринэн уоһу улаатыннарыы, ботулотоксинынан мыччыстыыны көннөрүү, тириини эдэригэр түһэрэр мезотерапия уонна да атыттар киирсэллэр. Ол эрээри, манна эмиэ  уратылар баар буолуохтарын сөп. Холобур, ханнык эрэ процедураҕа чопчу быраастан анааһын баар буоллаҕына – эчэйии, төрүөхтэн итэҕэс буолуу. Ол эбэтэр, өҥөнү ылыы сыала-соруга эстетическэй эрэ буоллаҕына, нолуоктан вычеты ылар сатаммат, оттон быраас анааһынын көрдөрүүтүнэн буоллаҕына  — көҥүллэнэр», – диэн РФ Бырабыыталыстыбатын иһинэн Үп-харчы университетын Нолуок, аудит уонна биисинэс-анаалыс факультетын нолуоктар уонна нолуогу дьаһайыы кафедратын сэбиэдиссэйэ Дмитрий Ряховский чуолкайдаата.

Нолуоктан социальнай вычеттарга киирсиэхтэрин сөптөөх процедуралар испииһэктэригэр, холобур, акне эмтээһинэ, мэҥнэри, шрамнары, папилломалары ылларыы уонна да атын киириэхтэрэ, диэн «Шумейко и партнеры» хампаанньа салайааччыта, нолуокка консултаан Дмитрий Шумейко эбэн эттэ.