ЫЙЫТ-ХОРУЙДУУБУТ: Малы-салы кирилиэс эҥин анныгар уурар көҥүллэнэр дуо?

— Малы-салы кирилиэс эҥин анныгар уурар көҥүллэнэр дуо?

Стручковтар.

“Объясняем.РФ” саайт маннык сүбэни биэрбит:

— Дьон бэйэлэрин малларын кыбартыыраларын тас өттүгэр уураллара көҥүллэммэт. Подъездтар уонна уопсай көрүдүөрдэр “эвакуацияланар” суолга киирсэллэр, онон мэһэйдэтэр табыллыбат.

Маны сэргэ кирилиэс таһынааҕы килиэккэҕэ миэбэли, кинигэни, бытовой тиэхиньикэни, араас умайан тахсар матырыйааллаах тэриллэри уурдахха баһаар тахсар түгэнигэр сэрэхтээх.

Ирдэбили кэспит дьоҥҥо сэрэтии оҥороллор эбэтэр 5 тыһ. саҕалаан 15000 солк. диэри ыстараап түһэриллэр.

Баһаар таҕыстаҕына буруйдаах киһи 50 тыһ. солк. диэри ыстарааптанар. Оттон киһи суорума суолланнаҕына — холуобунай буруй: 5 сылга диэри күһэлэҥ үлэ эбэтэр хаайыы күүтэр.