ЫЙЫТ-ХОРУЙДУУБУТ: Массыына олбоҕун сылытыы доруобуйаҕа туох кутталы үөскэтэрий?

Массыына олбоҕун сылытар тэрил эр дьоҥҥо көҥүллэммэ. Эр киһи ууһур уорганнарыгар охсуон уонна хроническай буолбут ыарыылар бэргээһиннэригэр тиэрдиэн сөп, диэн РИА Новости мэдиссиинэ наукатын кандидата, Пирогов аатынан Университет Фармация уонна мэдиссиинэ химиятын Институтун фармакология кафедратын старшай преподавателэ Андрей Кондрахин кэпсээтэ.

Кини этэринэн, массыына олбоҕун сылытыы – үчүгэй опция, ол эрээри кэлин араас кыһалҕалары үөскэтэр.

«Эр дьону эттэххэ, бу кинилэргэ көҥүллэммэт. Тоҕо диэтэххэ, араас сылытар тэллэхтэри эбэтэр сылытар тэриллэри аһары туттар түгэҥҥэ, хомолтолооҕо тус эр киһи ууһуур уорганнарыгар охсуон сөп. Ол аата, аһары сылытыы эр киһи туругун мөлтөтөр», — диэтэ Кондрахин.

Кини бэлиэтээбитинэн, маннык опцияны кыра таас уорганнарын, сиһи сылытарга уонна сөптөөҕүнэн дьон ыалдьыбатыгар көмөлөһөргө туһаныахха наада. «Ону таһынан, геморрой диэн ааттанар кыһалҕа үөскүөн сөп. Холобур, хаан эргиирин күүһүрдэммит, геморрой ыарыытын улаатыннаран, ыарыыны бэргэтиэн сөп. Онтон пиелонефриттээх эбэтэр бүөрүгэр туох эмэ ыарыылаах буоллаҕына, эмиэ куһаҕаннык дьайыан сөп. Тоҕо диэтэххэ инфекция сылааһы сөбүлүүр. Ол олус күүскэ көбүөн сөп. Простатиттары уонна хабах туһунан этэр буоллахха, эмиэ оннук», — диэн быраас эбэн эттэ. Кини сылытыынан аһары үлүһүйбэккэ сүбэлээтэ.