ЫЙЫТ-ХОРУЙДУУБУТ: Массыынаҕа тугу тиэйэр көҥүллэммэтий?

Массыынаҕа тугу тиэйэр көҥүллэммэтий?

“Объясняем. РФ” саайтка маннык хоруйдаабыттар:

1. Бутан, пропан курдук гаастары элбэх ахсаанынан тиэйэр көҥүллэммэт: 40 лиитирэлээх түөртэн ордуга суох ахсааннаах боллуону биир төгүл тиэйиэххэ сөп.
2. Түргэнник умайан тахсар убаҕастары (бэнсиин, кыраһыын, ацетон) элбэх кээмэйдээҕи көҥүллэммэт. Биир сырыыга 240 л ордуга суоҕу тиэйиллэр, канистра муҥутуур кээмэйэ — 60 лиитирэ.
3. Дьааттаах уонна сүһүрдэр бэссэстибэлэри (пестицидтэр, инсектицидтэр, гербицидтэр).
4. Сааны уонна сэби-сэбиргэли (боеприпастары). Ол эрээри бэйэҥ сааҕыҥ (холобур, бултуур уонна спортивнай) тырааныспарга илдьэ сылдьыы анал көҥүлү ирдиир, хаалаах (чехол) уонна иитиллибэтэх буолуохтаах.