Ыйыт-хоруйдуубут: Мутукчаны сиэтэллэр дуо?

– Мутукчаны сүөһүгэ эбии аһылык гыналлар дииллэр.

Анатолий Петров, Арассыыйа Федерациятын үтүөлээх мелиоратора маннык хоруйдаата:

– Мутукчаны бэйэтинэн сүөһүгэ сиэтиэх­хэ сөп. Күөх мутукчаны лабаалыын намчытын сүөһүгэ күкүргэ, иһиккэ ууран сыыйа үөрэтэн аһаталлар. Ол курдук, бастаан ынахха, биэҕэ киилэ аҥаарын эрэ сиэтэллэр. Үөрэммиттэрин эрэ кэннэ 3-5 киилэни, оттон ыччат сүөһүгэ 2-3 киилэни биэриэххэ сөп. Итинэн сүрүн аһылыгы, оту 20-30 бырыһыан солбуйуохха сөп. Өссө мутукча уутун, көөнньөрбөтүн оҥорон туһанар көмөлөөх буолааччы.