Ыйыт-хоруйдуубут: Нолуокка туох сыыһалары оҥороллоруй?

– Тэрилтэлэр буҕаалтырдара уонна урбаанньыттар туох сыыһаны оҥоруохтарын сөбүй?

Арассыыйа ФНС СӨ управлениетывн 1 №-дээх өҥөнү оҥорууга отделын ыстаарсай судаарыстыбаннай нолуок иниспиэктэрэ Татьяна Маркова маннык хоруйдаата:

– Билигин нолуок ситимин үлэһиттэрэ салайааччылары, урбаанньыттары уонна тэрилтэлэр буҕаалтырдарын кытта иккис кыбаартал нолуогар уонна абаансанан төлөбүрдэригэр быһаарар үлэни ыытабыт. Маны сэргэ иһитиннэриини (уведомление) ыыппатах тэрилтэлэр салайааччыларын уонна урбаанньыттары но­­луок уорганыгар РФ Нолуокка кодексын 31 ыст 1 п. 4 хос пуунугар олоҕуран быһаарыы биэрэллэригэр ыҥырабыт.

Нолуок уорганыгар ааҕыллыбыт нолуок туһунан иһитиннэрии – бары нолуогу төлөөччүлэр эбээһинэс­тэрэ, онон эппиэтинэстээхтик сыһыаннаһыллыахтаах. Ону тэҥэ отчуоту кэмигэр бэриллиэхтээх.

Тэрилтэлэр буҕаалтырдара уонна урбаанньыттар үгүстүк иһитиннэриини толороллоругар нолуок ааҕыллыбыт сууматын, абаансанан төлөбүрдэри хомуйуу туһунан сыыһаны-халтаны таһаарааччылар. Сыыһалар нолуоктар бүддьүөккэ киирэллэрин харгыстыыллар, биир кэлим нолуок счетуттан уонна пеняны ааҕыыттан сыыһа устууга тиэрдиэхтэрин сөп.

Үгүстүк маннык сыыһалар бэлиэтэнэллэр:

* сыыһа кэми (период) ыйаллар. Кэми сөпкө ыйыы төлөбүр болдьоҕун сөпкө быһаарарга наадалаах, ону тэҥэ төлөбүр болдьоҕун чопчу быһаарарга, ону тэҥэ декларацияны кытта сибээстииргэ;

* КБК (бүддьүөт классификациятын куода) эбэтэр ОКТМО (хас биирдии нэһилиэнньэ Бүтүн  Арассыыйатааҕы классификатора) сыыһа толоруу, биитэр иһитиннэриини толоруу ирдэммэт КБК толоруллубут буолар;

* иһитиннэрии оннугар бэриллэр төлөбүр реквизиттэригэр сыыһаны оҥоруу: КБК, ОКТМО отчуоттуур кэм сыыһа ыйыллыбыт эбэтэр олох ыйыллыбатах;

* иһитиннэриини отчуот кэнниттэн ыыппыттар эбэтэр тэҥҥэ