ЫЙЫТ-ХОРУЙДУУБУТ: Нолуокпун хаһан төлүүбүн?

— Нолуокпун хаһан төлүүбүн?

Дьокуускай олохтооҕо.

Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Георгиевна Гуляева маннык хоруйдаата:

— Арассыыйа ФНС Саха Өрөспүүбүлүкэтигэр управлениета 2024 сыллаах баай-дуол, сир уонна тырааныспар нолуоктарын төлөбүрүн туһунан “Личный кабинет налогоплательщика для физических лиц” уонна госөҥө порталыгар (сөбүлэспиттэргэ) ыыппытын туһунан иһитиннэрэр. Тустаах сервискэ холбоммотохторго “Почта России” нөҥүө сакаас-сурук ыытыллар.

Нолуоккутун 2025 сыл ахсынньы 1 күнүгэр диэри төлүөхтээххит.

Бүгүҥҥү туругунан 379,8 тыһ. нолуок иһитиннэриитэ бэлэмнэннэ. Итинтэн 67 быр. электроннай көрүҥүнэн “Личный кабинет налогоплательщика” уонна ЕПГУ туһанааччы тус кэбиниэтигэр ыытылынна.

Нолуоккутун маннык төлөөҥ:

— Арассыыйа ФНС “Личный кабинет налогоплательщика для физических лиц” уонна “Уплата налогов и пошлин” интерактивнай сервистэринэн;

— “Налоги ФЛ” тус кэбиниэт мобильнай версиятынан (ФНС России Арассыыйа ФНС www.nalog.gov.ru саайтыттан хачайдааҥ уонна Андроид и IOS в App Store и Google Play платформаларга смартфону туһанааччыларга);

— бааннарга;

— баан терминалларынан уонна QR-кодунан мобильнай тэриллэринэн (смартфон, планшет).