Ыйыт-хоруйдуубут: Оҕо нэһилиэстибэ быһыытынан баайы-дуолу ылбыта…

Оҕо нэһилиэстибэ быһыытынан баайы-дуолу ылбыта. Ону төрөппүттэр бэйэлэрин көрүүлэринэн дьаһайыахтарын сөп дуо?

РФ СК 60 ыст., РФ ГК 37 ыст. олоҕуран, эпиэкэ уорганнарын сөбүлэҥинэн оҕо интэриэһигэр тугу эрэ оҥоруохтарын сөп.  

Сокуоннай сааһын туола илик оҕо баай-дуол хаһаайына буолуон сөп, ол иһигэр нэһилиэстибэ ылар түгэнигэр. Төрөппүттэр оҕо баайын-дуолун бас билэр бырааптара суох.

Оҕоҕо массыына, кыбартыыра эбэтэр өлүүлэһии нэһилиэстибэ быһыытынан бэриллибит буоллаҕына,  баайын-дуолун кытта атыы-эргиэн оҥоһуллар түгэнигэр, төрөппүттэригэр эпиэкэ уорганыттан көҥүл наада буолар. Дьаһал усулуобуйатынан оҕо баайы-дуолу бас билэр бырааба эмсэҕэлиэ суохтаах.

Эпиэкэ уорганнарыттан көҥүлэ суох сатаммат:

-сокуоннай сааһын ситэ илик оҕо баайын-дуолун атыылыыр;

-уларытар;

-бэлэхтиир;

-куортамҥа биэрэр, буор-босхо туһанар, солуокка биэрэр;

Эпиэкэ маннык түгэҥҥэ атыыга-эргиэҥҥэ сөбүлэһиэн сөп:

-Массыына атыытыттан киирбит харчы саҥа массыынаны атыылаһарга уонна оҕо аатыгар суруллар буоллаҕына.

-Атыыламмыт дьиэ оннугар оҕоҕо атын, улахан дьиэ атыылаһыллар.

-Эпиэкэ уорганнара хас биирдии дьыаланы тус-туспа көрөллөр уонна дьиэ кэргэн олоҕун балаһыанньатын учуоттаан быһаарыыны ылыналлар.