Хаартыска: PxHere
Ааҕааччыларбыт “Саха сирэ” хаһыакка араас ис хоһоонноох ыйытыылары биэрэллэр. Сорохтор эрэдээксийэҕэ кэлэн да ыйыталаһаллар. Дьон кыһалҕата да араас. Онно кыах баарынан хоруйдуурга кыһанабыт.
ЫЙЫТЫЫ: Оҕобор нолуок төлүөхтээххин диэн биллэрии кэлбит. Оҕолор нолуок төлүүллэр эбит дуу?
Арассыыйа ФНС СӨ Управлениетын судаарыстыбаннай өҥөлөрү оҥорууга 1 №-дээх отделын кылаабынай судаарыстыбаннай нолуокка иниспиэктэрэ Елена Слепцова хоруйдаата:
– Саастарын ситэ илик оҕолор хамсаабат баайы-дуолу бас билээччинэн буолуохтарын сөп. Холобура, ийэ хапытаалын үбүнэн эбэтэр нэһилиэстибэҕэ тиксэн дьиэни-уоту бас билиигэ өлүүлэстэхтэринэ. Кинилэр хамсаабат баайга-дуолга нолуоктарын ким төлүөҕэй? Нолуоктанар дьиэни бас билээччилэр (олорор дьиэ, кыбартыыра, сад дьиэтэ, гараас уо.д.а) сааһыттан тутулуга суох физическэй сирэйдэргэ баай-дуол нолуогун төлүөхтээхтэр. Бу түгэҥҥэ төрөппүттэр (ииппит дьон, эпэкииннэр, попечителлэр), сокуоннай бэрэстэбиитэл быһыытынан, кинилэр саастарын ситэ илик оҕолорун бас билэр баайдарыгар нолуоктарын төлүөхтээхтэр.
Оҕоҕут нолуогун бэйэҕит киэнин курдук бааҥҥа, буостаҕа, төлүүр терминал нөҥүө, мобильнай сыһыарыыларынан, Арассыыйа ФНС “Уплата налогов и пошлин” сервиһинэн төлүөххүтүн сөп. Саамай түргэн төлөбүр – биллэриигэ ыйыллыбыт УИН эбэтэр QR-код көмөтүнэн.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…