ЫЙЫТ-ХОРУЙДУУБУТ: Оҕо уруок кэмигэр төлөпүөнүнэн туттуон сөп дуо?

Үөрэнээччи уруок кэмигэр гаджекка аралдьыйыа суохтаах. Үөрэхтээһин туһунан сокуоҥҥа уларыйыылар балаҕан ыйын 1 күнүттэн киирбиттэрэ диэн объясняем.рф саайт суруйар.

Төлөпүөн хаһан бобуллар?

Уруок кэмигэр үөрэнээччи төлөпүөнүнэн туттара булгуччу бобуллар.

Уруоктар икки ардыларынааҕы сынньалаҥҥа оҕо төлөпүөнүнэн туһанарын төрөппүттэр оскуола дьаһалтатын кытта быһаарсыахтаахтар.

Өскөтүн төрөппүтэр оҕолорун кытта сибээстэһиэхтэрин баҕардахтарына, кылаас салайааччытыгар эрийиэхтээхтэр.

Үөрэнээччилэр, учууталлар уонна оскуола атын үлэһиттэрин олохторугар, доруобуйаларыгар куттал суоһуур буоллаҕына, төлөпүөнүнэн туһанар бобуллубат.

Үөрэххэ туһаныллар гаджеттар

Уруокка туһанар сыалтан учуутал интерактивнай дуосканы, көмпүүтэри, планшеты туһаныан сөп.

Туох бобуллар?

Радио-телефоннай сибээс бары көрүҥүнэн туһанар бобуллар.

Арай, сим-каарталаах «өйдөөх» чаһынан туһанар бобуллубат.