ЫЙЫТ-ХОРУЙДУУБУТ: Подъездка тус маллары харайыахха сөп дуо?

Кыбартыыра таһыгар тус маллары харайар бобуллар. Подъезд уонна уопсай көрүдүөр эвакуацияланар суолларынан буолаллар, онон манна малы хаалларар, ааһар сири бүөлүүр сатаммат диэн объясняем.рф саайт иһитиннэрэр.

Маны таһынан кыбартыыра таһыгар араас миэбэли туруоруу, кинигэлэри хаалларыы, туттубат тиэхиньикэни, кырааскалары харайыы баһаар төрүөттэрин элбэтэллэр. Бу маллар түргэнник умайаллар.

Маны кэспит дьон:

— баһаарынай ирдэбиллэри кэстэххэ, административнай эппиэтинэскэ тардыллаллар: сэрэтии эбэтэр 5-15 тыһ. солк. ыстараап;

— баһаар буолар түгэнигэр буруйдаах киһи 50 тыһ.солк. тиийэ ыстарааптаныан сөп. Киһи өлөр түгэнигэр —  холуобунай накаастабыл.