Ыйыт-хоруйдуубут: «Посадочнай толуону» сүтэрбит буоллаххына…

Ыйытыы:  Үлэбэр бырайыаспын туһаммыппын отчуоттуурум ирдэнэр.  Ол эрээри «посадочнай толуоммун» сүтэрэн кэбистим. Хайдах гыныахха сөбүй?

Ыйытыыга билиэти атыылыыр агентстволар маннык сүбэни биэрэллэр:

— Көтөн кэлбит рейскин көрдөрөр электроннай билиэккин булуоххун наада. Ол кэнниттэн саайтка, бэрэстэбиитэлистибэҕэ эбэтэр авиахампаанньа  суһал  лииньийэтигэр эрийэн дубликат көрдүүгүт. Тустаах авиа-хампаанньаттан бу өҥө төһө сыаналаах буоларын чопчулааҥ. Өскөтүн билиэти интэриниэтинэн эбэтэр агентствоҕа атыыласпыт буоллаххытына, атыыласпыт миэстэҕитинэн «посадочнай толуону» биэриэхтэрэ суоҕа. Дьиҥнээхтик көтөн кэлбитин туһунан ыспыраапканы авиа-хампаанньа тута биэрбэт, хас да күн кэтэһэҕин.