ЫЙЫТ-ХОРУЙДУУБУТ:  Регистрациялата илик буоллаҕына хайыыбын?

— Атыылаабыт массыынабын саҥа бас билээччитэ бэйэтин аатыгар регистрациялыы илик. Административнай ыстараабы уонна тырааныспар нолуогун төлөөбөт туһугар учуоттан массыынаны хайдах устуохха сөбүй?

ИДьМ Саха Өрөспүүбүлүкэтигэр управлениета маннык хоруйдаабыт:

— Арассыыйа Федерациятын Ис дьыала министиэристибэтин административнай регламенын 133 пуунугар олоҕуран, Арассыыйа ИДьМ 2019 сыл 21.12 күнүнээҕи 950 №-дээх бирикээһинэн тиэхиньикэни саҥа бас билээччи регистрациялаабатах буоллаҕына, тырааныспар тэрилин судаарыстыбаннай учуотун тохтотуу урукку бас билээччитин сайабылыанньатыгар уонна тырааныспар тэрилин бэйэтиттэн тэйитиигэ туһуламмыт мэнэйдэһии (сделка) туһунан сайабылыанньаҕа олоҕуран ыытыллар.

Судаарыстыба бу өҥөтүнэн туһанар туһугар урукку бас билээччи ГИБДД ханнык баҕарар регистрациялыыр салаатыгар тиийиэхтээх.