ЫЙЫТ-ХОРУЙДУУБУТ: Саха ынаҕын таһырдьа төһө өр сырытыннарыахха сөбүй?

— Саха ынаҕын ылан иитэн көрбүт киһи диэн былааннаахпыт. Иһиттэххэ, биһиги усулуобуйатыгар олус сөп түбэһэр курдук. Саха сүөһүтүн кыһыҥҥы тымныыларга төһө өр таһырдьа сырытыннарыахха сөбүй? Биир эмит иитэ сылдьар киһи сүбэлиирэ буоллар, бэрт буолуо этэ.

Колесовтар.

Ыйытыыга Эбээн Бытантай улууһун Дьарҕаалаах сэл. бааһынай хаһаайыстыбатын баһылыга Матрена Баишева маннык эппиэттээтэ:

— Саха сүөһүтэ кыһын 50 кыраадыс тымныыга сылдьар. Миэннэрэ ойбоҥҥо уулаан баран, тыаҕа дьаарбайан кэлэллэр. 3–5 чаас кэриҥэ сылдьаллар. Биллэн турар, эрдэ кэлбити тута хотоҥҥо киллэрэбин. Сылгы хаһан аһаабыт сиринэн баран хаалааччылар, төһө да тот буоллуннар. Син биир айылгылара таайан, хаһан аһыы бараллар быһыылаах дии саныыбын.