Ыйыт-хоруйдуубут: Сайабылыанньа киирдэ дуо?

– Миигин биир ыйытыы интэриэһиргэтэр. Сааскы халаан уутугар эмсэҕэлээбит дьонтон төһө сайабылыанньа киирдэ?

 СӨ Экологияҕа, айылҕаны туһаныыга уонна ойуур хаһаайыстыбатыгар минис­тиэристибэтэ маннык иһитиннэрэр:

– 2024 сыл бэс ыйын 24 күнүнээҕи туругунан ыксаллаах быһыы-майгы кэмигэр эмсэҕэлээбит – 4056 киһи, 1181 помещение (элбэх кыбартыыралаах дьиэлэри ааҕан туран), 1011 дьиэ.

gosuslugi.ru судаарыстыбаннай өҥө порталыгар ыксаллаах быһыы-майгы кэмигэр эмсэҕэлээбиттэргэ биир кэмнээх материальнай көмөнү уонна үбүнэн көмөнү биэрэр туһунан дьонтон сайабылыанньалары тутуу салҕанар.

9381 сайабылыанньа киирдэ, ол иһигэр:

4881 – биир кэмнээх материальнай көмөҕө

4500 – үбүнэн-харчынан көмөҕө.

6700 сайабылыанньаҕа биэрэргэ диэн быһаа­рыы ылылынна:

3794 – биир кэмнээх материальнай көмөҕө

2906 – үбүнэн-харчынан көмөҕө.