Ыйыт-хоруйдуубут: тарыып кээмэйэ уларыйар дуо?

Олох-дьаһах тула

Күндү ааҕааччыларбыт! “Саха сирэ” хаһыаты уона саайты ааҕар дьонтон араас ыйытыылар киирэллэр. Онно быһаччы исписэлиистэр хоруйдарын уонна тэрилтэлэр пресс-сулууспаларын көмөлөрүнэн эппиэттэри таһаарарга кыһанабыт.

Ыйытыы:

— Кыстыкка киирдибит. Олорор дьиэбитигэр сылаастык, нус-хас кыстыырбыт барыбытын да долгутар. Хомунаалынай өҥө тарыыбын кээмэйэ уларыйар дуо, өскөтүн туһанааччыга оҥоһуллубут өҥө хаачыстыбата мөлтөх буоллаҕына.

СӨ Сыана бэлиитикэтигэр судаарыстыбаннай кэмитиэтэ бу курдук хоруйдуур:

— От ыйын 1 күнүттэн олохтоммут тарыыптар сыл устата уларыйбаттар. Өскөтүн өҥө мөлтөхтүк оҥоһуллар буоллаҕына, туох-ханнык иннинэ салайар хампаанньаҕа уонна саахалы туоратар диспетчерскэй сулууспаҕа биллэрэн, аак оҥорторуохтааххыт. Ол эрэ кэнниттэн туһанааччыга хаттаан ааҕыы оҥоһуллар. Оттон салайар хампаанньа бу чахчыны туоһулууртан аккаастанар буоллаҕына, туһанааччы бу салайар тэрилтэни СӨ Тутууга уонна дьиэни-уоту судаарыстыбанан кэтээн көрүүгэ управлениетыгар (Управление государственного строительного и жилищного надзора РС (Я)) үҥсүөхтээх.

Хаартыска https://pxhere.com/ru.