Хаартыска: шедеврум
– Биһиги кылааспытыгар уруогу мэлдьи мэһэйдиир, атын үөрэнээччилэри атаҕастыыр оҕолор бааллар. Учуутал хас да сыл устата кинилэри сатаан салайбат. Ол оҕолор төрөппүттэрэ эмиэ оҕолоругар сөптөөх дьайыы оҥорор кыахтара суох. Кинилэри хайдах эмэ бэрээдэккэ тутар сыалтан, төрөппүттэр кылааска камераны туруорар туһунан боппуруоһу көтөҕөр буоллулар. Ону төрөппүттэр көҕүлээһиннэринэн оҥорор кыаллыа дуо, уонна оскуола бу көрдөһүүнү аккаастыан сөп дуо?
Дьиэ кэргэн дьыалаларыгар албакаат, О.Е. Кутафин аатынан Университет преподавателэ Юлия Мухина хоруйдуур:
– Биир өттүттэн, киһи чааһынай олоҕун туһунан ханнык баҕарар информацияны хомуйуу, харайыы, тарҕатыы уонна туһаныы кини сөбүлэҥэ суох көҥүллэммэт. Ол эрээри, бу барыта судаарыстыбаннай, уопсастыбаннай эбэтэр аһаҕас интэриэстэргэ оҥоһуллар буоллаҕына, камералары туруорууга сокуону кэһии суох. Ону таһынан, үөрэх тэрилтэтэ бэйэтин үлэтин-хамнаһын «Үөрэхтээһин туһунан» сокуоҥҥа сөп түбэһиннэрэн ыытарга эбээһинэстээх, ол иһигэр үөрэнээччилэри үөрэтэргэ, иитэргэ, көрөргө-харайарга куттала суох усулуобуйаны тэрийиэхтээх. Камераны туруорар боппуруос үөрэх тэрилтэтин эрэ боломуочуйатыгар киирсэр уонна оскуола иһинээҕи быраабылаларынан бэрээдэктэнэр.
Видеокамералары кылааска туруоруу оскуола дьаһалтатын быһаарыытынан уонна сөбүлэҥинэн эрэ оҥоһуллуохтаах, итиниэхэ тус дааннайдар тустарынан сокуон, ону таһынан учууталларга сыһыаннаах үлэ сокуонун бары ирдэбиллэрэ тутуһуллуохтаахтар. Маны таһынан, видеокамералар туруоруллубуттарын туһунан үөрэх хаамыытын бары кыттааччыларыгар булгуччулаахтык биллэриэхтээхтэр:
Итиэннэ видеокамера чопчу сыалын ыйар улахан суолталаах. Холобур, куттал суох буолуутун хааччыйыы, бэрээдэги хонтуруоллааһын, кэһиилэри бэлиэтээһин. Бу түгэҥҥэ уопсастыба интэриэһэ — кылаас үөрэнээччилэрин куттала суох буолуутун хааччыйыы таарыйыллар буолан, сокуоннай саастарын ситэ илик оҕолор уонна кинилэр төрөппүттэрин сөбүлэҥнэрэ камералары туруорарга ирдэммэт.
Социальнай ситимнэринэн полицейскай Покровскай куорат 51 саастаах олохтооҕун улаханнык сынньыбытын туһунан иһитиннэрии улахан аймалҕаны таһаарда.…
Сунтаар улууһун Бордоҥ сэлиэнньэтин 1991 сыллаах төрүөх олохтооҕо ийэтинээн дэриэбинэттэн 4 км тэйиччи сытар Быһыр…
Атырдьах ыйын 18 күнүгэр РФ уонна СӨ бочуоттаах бэтэрээнэ, тыыл бэтэрээнэ Татьяна Гуляева 100 саастаах…
«ВОИН» кииҥҥэ пилота суох технологиялар эйгэтигэр исписэлиистэр үлэлэрин-хамнастарын түмэр уонна сүрүннүүр киин тэрилиннэ. Кинилэр саҥа…
Бүгүн Екатеринбурга Арассыыйатааҕы боксаҕа чөмпүйэнээтигэр Саха сирин сүүмэрдэммит хамаандатын икки боксера кыттыылаах чиэппэр финал киирсиилэрэ…
Дьокуускайга полицейскайдар баан каартатыттан харчы уоруутугар уорбаланааччыны туттулар. Бу туһунан ИДьМ сулууспатын«Дьокуускайдааҕы» салаатын пресс-сулууспата иһитиннэрэр.…