Ыйыт-хоруйдуубут: Туох өйөбүл көрүллэрий?

— Хапытаалынай өрөмүөн иһин усунуоһу төлөөһүҥҥэ өйөбүл миэрэтэ баар дуо?

 

Ыйытыыга “Субсидиялар ааҕыныстыбалара” СӨ ГКУ уопсастыбаннаһы кытта сибээскэ сүрүн исписэлииһэ Любовь Илларионовна Андросова маннык эппиэттээтэ:

2016 сылтан өрөспүүбүлүкэҕэ кыбартыыралаах 70‑тан үөһэ саастаах дьоҥҥо социальнай өйөбүл миэрэтэ көрүллэр:

— 70‑тан тахсыбыт саастаахтарга ороскуот төлөбүрэ — 50%.

— 80‑н ааспыт дьоҥҥо — 100%.

Толуйууну ылыы сүрүн ирдэбиллэрэ:

1. 70‑тан тахсыбыт саастаах дьон;

2. Кыбартыыраҕа бас билии бырааба баара (сайабылыанньа биэрээччи бас билээччи буолуохтаах);

3. Үлэтэ суох буолуу;

4. Бииргэ учуокка турар гражданнар суох буолуулара (биэнсийэҕэ тахсар саастаах үлэлээбэт гражданнартан эбэтэр үлэлээбэт, бастакы уонна иккис группалаах инбэлииттэртэн ураты);

Сүрүн докумуон:

— Арассыыйа Федерациятын гражданствотын пааспара

Сайабылыанньаны биэрии ньымалара:

— Судаарыстыбаннай өҥө порталын нөҥүө;

— “Мин докумуоннарым” киин нөҥүө.