ЫЙЫТ-ХОРУЙДУУБУТ: Уоппуска хаалбыт күннэрин аныгы сылга көһөрүөххэ сөп дуо?

Үлэһит киһиэхэ сыл аайы бэриллэр уоппускатын туһамматах күннэрэ «умайан» хаалбаттар — кинилэри кэлэр сылга көһөрүөххэ сөп. Үлэ Кодексатын быраабылаларын уонна үлэһиттэр билиэхтээх түгэннэрин туһунан кэпсиибит. Бу туһунан Объясняем.рф портал иһитиннэрэр.

Үлэһит сокуон быһыытынан бэриллибит күннэрин толору сынньамматаҕына, ол күннэри үлэттэн уурайар түгэнигэр харчынан толуйуохтарын сөп. «Умайаллар» диэн, бэйэ харчытыттан төлөммөт уоппуска туһаныллыбатах күннэрэ эрэ ааҕыллаллар, ол даҕаны салайааччыны кытта атын дуогабар суох буоллаҕына. Оттон төлөнөр уоппускаҕыт 28 хонуктан элбэх буоллаҕына, ордубут күннэри харчынан кэмпэнсээссийэ ылыаххытын сөп.

Кимнээххэ сынньалаҥ күннэрин харчынан солбуйар сатамматый?

• хат дьахталларга;
• 18 саастарын туола илик үлэһиттэргэ;
• буортулаах уонна/эбэтэр кутталлаах усулуобуйалаах тэрилтэлэр үлэһиттэригэр.

Кэмпэнсээссийэ хайдах ылыахха сөбүй?

Үлэ биэрээччигэ сайабылыанньа суруйуҥ. Ол эрээри, үлэ биэрээччи этиигитин ылыммат толору бырааптаах. Оннук түгэҥҥэ уоппускаҕыт күннэрэ көннөрү хаалаллар, кэлин туһаныаххытын сөп.

Сайабылыанньаҕытын сөбүлэстэхтэринэ — төлөбүрү оҥорор туһунан бирикээскэ илии баттааҥ.

Үлэҕиттэн уоппускаҕа ыыппат буоллахтарына

Өскөтүн эһигини сынньалаҥҥа ыыппат буоллахтарына, Үлэ иниспиэксийэтигэр үҥсүөххүтүн эбэтэр суукка биэриэххитин сөп. Үлэһитин икки сыл устата уоппускаҕа ыыппатах үлэ биэрээччигэ административнай эппиэтинэс көрүллэр.