Хаартыска: Объясняем.рф
Ыйытыы: Мин үлэлиир биэнсийэлээхпин уонна 4 чааска арааран төлөбүрэ суох (без содержания) уоппусканы 14 халандаарынай күн ылыахпын баҕарабын. Тэрилтэм маннык уоппусканы биэрэри аккаастыан сөп дуо?
Ыйытыыга хоруйдуур Култуура үлэһиттэрин Бүтүн Арассыыйатааҕы идэлээх сойууһун Саха сиринээҕи өрөспүүбүлүкэтээҕи тэрилтэтин бэрэссэдээтэлэ Анастасия Самсонова:
– РФ Үлэҕэ кодексын (ҮК) 128 ыстатыйатын 1 чааһыгар олоҕуран үлэһиккэ дьиэ кэргэнин балаһыанньатынан уонна атын да төрүөтүнэн төлөбүрэ суох уоппусканы биэриэххэ сөп. РФ ҮК 128 ыстатыйатын 2 чааһыгар олоҕуран сорох түгэҥҥэ үлэни биэрээччи маннык күннэри биэриэн сөп, холобура, үлэлиир биэнсийэлээхтэргэ. Кинилэр сыл устата (ҮК 128 ыстатыйатын 2 чааһа 3 абзац) 14 халандаарынай күнү бэйэлэрин суоттарыгар ылар бырааптаахтар.
Үлэ кодекса төлөбүрэ суох уоппуска саамай кыччаабыта төһө хонуктаах буоларын чопчулаабат. Ону тэҥэ маннык уоппусканы хас күн биэрэр туһунан сокуонунан эбээһинэс көрүллүбэт. Онон үлэһити кытта маннык уоппуска болдьоҕун (бириэмэтин) бэйэлэрэ быһаарсаллар, онон уоппусканы кыра кыратык биэриини дуогабардаһыахтарын сөп. Үлэни биэрээччи хас баҕарар күннээх ыйыллыбыт уоппусканы биэрэр эбээһинэстээх, ол иһигэр хас даҕаны чааска арааран.
2024 сылга оҕуруот аһын олордуунан дьарыктанааччыларга куйаар ситимиттэн сүбэлэри түмэн, ый халандаарын (лунный календарь) таһаарабыт.…
Биһиги, сахалар, айылҕа оҕолоробут, Айыыларга, иччилэргэ итэҕэйэр, сүгүрүйэр буоламмыт, булгуруйбат санаалаахпыт, тостубат тулуурдаахпыт диэн разведка…
Бэҕэһээ, ыам ыйын 11 күнүгэр, Кыргызстаан чэпчэки атлетикаҕа Федерациятын бэрэсидьиэнэ Канат Аманкулов «Триумф» хамаандалары бэлэмниир…
Биһиги дойдубутугар 1996 сылтан Мэдиссиинэ сиэстэрэтин Аан дойдутааҕы күнэ бэлиэтэнэр. Бу бырааһынньык мэдиссиинэ орто сүһүөх…
Грузияҕа олохтоох парламент ыам ыйын 1 күнүгэр тас дойдуттан үбүлэнэр тэрилтэлэр испииһэктэрин оҥоруу туһунан сокуон…
Стамбулга Париж куоракка ыытыллар Олимпийскай оонньууларга путевка иһин тустууга бүтэһик квалификационнай турнир ыытыллар. Көҥүл тустууга…