ЫЙЫТ-ХОРУЙДУУБУТ: Уруогу аҕыйатыахтара дуо?

Ыйытыы: Судаарыстыбаннай дуума оскуолаларга уруогу аҕыйатар туһунан этиини көтөҕөр дииллэр. Күннээҕи уруок чахчы аҕыйыа дуо? 

 Хоруй: Күннээҕи уруо­гу чопчу аҕыйаталлар диэн этэр билиҥҥитэ эрдэ. Оскуола үөрэнээччилэрэ сиэри таһынан ноҕуруускалаахтарын, үөрэх бырагыраа­мата өрүү уустугуран иһэрин туһунан төрөппүттэр Судаарыстыбаннай Дуумаҕа суруйалларын Парламент балаататын бэрэссэдээтэлэ Вячеслав Володин тус телеграм ханаалыгар суруйбута. Үөрэҕирии министиэрис­тибэтиттэн бэрэстэбиитэллэри ыҥыран кэпсэтиэҕиҥ, дьүүллэһиэҕиҥ дэспиттэрэ. Этии барыта туолар буолбатах.

Манна даҕатан эттэххэ, хаһыс даҕаны сылын биир кэлим эксээмэни суох гынан баран уруккулуу билиэт талан ылан туттарар эксээмэни  киллэрээри гыналлар да, кыайтарбакка турар.