ЫЙЫТ-ХОРУЙДУУБУТ: Усунуоһу ааҕыы ханнык түгэҥҥэ тохтотулларый?

— Усунуоһу ааҕыы ханнык түгэҥҥэ  тохтотулларый?

Арктика олохтооҕо.

Ыйытыыга Элбэх кыбартыыралаах дьиэлэри хапытаалынай өрөмүөннээһин пуондатын Саха сиринээҕи салаатын пресс-сулууспата маннык хоруйу ыытта:

— Саха Өрөспүүбүлүкэтин сиригэр-уотугар элбэх кыбартыыралаах дьиэлэргэ хапытаалынай өрөмүөнү ыытыы эрэгийиэннээҕи бырагыраамата 2051 сылга диэри үлэлиир. Элбэх кыбартыыралаах дьиэ саахалланар туруктаах диэн билинилиннэҕинэ, усунуоһу ааҕыы тохтотуллар. Ол эрээри, дьиэни саахалланар туруктаах диэн билинэр кэмнэригэр иэстээх буоллахтарына, дьиэни бас билээччи иэһин сабыахтаах. Дьиэни бас билээччи иэһин сабан баран, олохтоох салайыныы уорганыгар иэһэ суоҕун туһунан ыспыраапканы биэриэхтээх, ол саахалланар туруктаах дьиэттэн көһөрүүгэ наадалаах. Бас билээччилэр төлөөбүт үптэрэ бу дьиэни көтүрүүгэ туттуллар.