Ыйыт-хоруйдуубут: ыаллыы олорор дьон подъезка табахтыыллар…

Элбэх кыбартыыралаах дьиэҕэ олорор дьон подъезд иһэ табах сытынан туолар кыһалҕатын үгүстэ көрсөр буолуохтааххыт. Бу балаһыанньаҕа хайыыбытый?

Бу ыйытыыга объясняем.рф саайт маннык хоруйдуур:

— Сокуон уопсастыбаннай сирдэргэ, ол иһигэр подъезтарга, лиипкэ, кирилиэскэ, тиэхэтээстэргэ табахтыыры бобор. Маны кэһэр дьон административнай эппиэтинэскэ тардыллан, ыстараап төлүөхтэрин сөп.

Бу кыһалҕаны быһаарар туһуттан участковайга сайаапкалаһыахха наада. Онуоха табахтааһыны дакаастыыр чахчылар ирдэнэллэр. Ыалыы олорор дьон суругунан быһаарыылара барсыан сөп. Итиэннэ кэтээн көрүү камера устуутун бэрэбиэркэлиэххэ сөп.

Бу дакаастабыллары икки хос суругунан сайабылыанньа оҥорор наада. Сайабылыанньаны участковай эбэтэр полиция начаалынньыгын аатыгар суруйаҕыт. Итиэннэ бэйэҕит толору ааккытын-суолгутун, аадырыскытын, төлөпүөҥҥүт нүөмэрин, балаһыанньаны быһааран (ким, ханна, хаһан табахтаабытын, ханнык кыбартыыраҕа олорорун) суруйаҕыт.