Людмила Попова түһэриитэ
Бэс ыйын 20 күнүттэн дойду бары үрдүк, орто үөрэҕин кыһалара үөрэххэ туттарсааччылартан докумуоннары тутан саҕалаатылар. Абитуриеннар, төрөппүттэр ыйытыыларыгар хоруйдуубут.
Ыйытыы: Оҕом юрист буолуон баҕарар эрээри, баала намыһах буолсу. Орто үөрэхтээх юристары ханна бэлэмнииллэр?
Хоруй: Саха сиригэр орто үөрэхтээх юристары бэлэмниир үөрэх тэрилтэлэрэ элбэхтэр: Хотугулуу-Илиҥҥи федеральнай университет, Арктикатааҕы судаарыстыбаннай агротехнологическай университет, Дьокуускайдааҕы тыа хаһаайыстыбатын тиэхиньикума, Дьокуускайдааҕы гуманитарнай кэллиэс, Дьокуускайдааҕы инновационнай технология кэллиэс юрист, быраап идэтигэр бэлэмнииллэр.
Ыйытыы: Билигин АйТи үйэтэ кэллэ дииллэр. Онно хас сыл үөрэнэллэр?
Хоруй: Үрдүк үөрэххэ 4 сыл (бакалавр), орто үөрэххэ 3 сыл үөрэнэллэр.
Ыйытыы: Орто үөрэхтэргэ докумуону хаһыс чыыһылаттан туталларый?
Хоруй: Урут орто анал үөрэхтэргэ докумуону үрдүк үөрэхтэр тутан бүтэллэрин саҕана ылар эбит буоллахтарына, аҕыйах сылтан бэттэх быраабыла уларыйбыта. Онон үрдүк үөрэхтэри кытта бэс ыйын 20 күнүттэн орто анал үөрэхтэргэ докумуоҥҥутун ыытыаххытын сөп.
Ыйытыы: Хас үөрэххэ сайабылыанньабын биэриэхпин сөбүй?
Хоруй: Абитуриент элбээбитэ биэс хайысхаҕа докумуон туттарар кыахтанна. Ол эбэтэр, биэс үрдүк үөрэх кыһатыгар хас биирдиитигэр биэс хайысхаҕа биэриэххэ сөп уонна олортон ордук суолталаахтарын талар (система приоритетов).
Ыйытыы: Үрдүк үөрэхтэргэ орто үөрэхтэр эмиэ бааллар дииллэр. Онно ханнык идэлэргэ бэлэмнииллэрий?
Хоруй: Ханнык үрдүк үөрэх тэрилтэтин сэҥээрэргититтэн тутулуктаах. Холобур, М. К. Аммосов аатынан Хотугулуу-Илиҥҥи федеральнай университекка “дьиэлэри, тутуулары тутан таһаарыы уонна туһаныы”, “сетевой уонна системнай администрирование”, “информационнай систиэмэ уонна программирование”, “автоматизированнай систиэмэлэргэ информационнай өттүнэн куттал суох буолуутун хааччыйыы” (обеспечение информационной безопасности автоматизированных систем), “сибээс инфокоммуникационнай ситимнэрэ уонна систиэмэлэрэ”, “сыбаарка дьыалата”, “сиэстэрэ дьыалата”, “экэниэмикэ уонна бухгалтерскай учуот (салааларынан)”, “социальнай хааччыйыы бырааба уонна тэрийии” орто үөрэхтэргэ бэлэмнииллэр.
Арктикатааҕы судаарыстыбаннай агротехнологическай университет “землеустройство”, “агроном”, “экэниэмикэ уонна бухгалтерскай учуот”, “юриспруденция”, “сылааһынан хааччыйыы уонна теплотехниичэскэй тэрил”, “зоотехник”, “асчыт уонна кондитер дьыалата”, “информационнай систиэмэ уонна программирование” идэлэригэр үөрэтэр.
Ыйытыы: Үөрэххэ туттарсарбар ханнык докумуоннары туттарыахтаахпыный?
Хоруй: пааспар (куоппуйата), аттестат (бэйэтэ эбэтэр куоппуйата), СНИЛС (нүөмэрэ) суох түгэнигэр идетификационнай нүөмэр иҥэриллэр, хаартыска (3х4 кээмэйдээх), баар түгэнигэр тус ситиһиини туоһулуур докумуон (куоппуйата), 086у/29 н формалаах мэдиссиинэ ыспыраапката (бэйэтэ эбэтэр куоппуйата).
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…