ЫЙЫТ-ХОРУЙДУУБУТ: Үлэ биэрээччи уоппускаҕа ыытарга аккаастыан сөп дуо? 

Ханнык баҕарар үлэһит төлөбүрдээх уоппускаҕа алта ый кэннэ, начаалынньыгы кытта дуогабардаһан баран, барыан сөп. Бу туһунан объяснем.рф саайт иһитиннэрэр.  

Ол наадатыгар уоппуска кыраапыгынан сайабылыанньа суруйан,  каадыр отделын кытта сөбүлэһиэххэ наада. Өскөтүн үлэ биэрээччи сынньалаҥҥа ыыппат түгэнигэр үлэ сокуонун кэһэр. Уоппуска саамай кылгас болдьоҕо 28 хонук. Хампаанньа үлэтигэр үлэһит уоппуската сабыдыаллыыр буоллаҕына, сынньалаҥҥа ыытыа суоҕун сөп. Ол эрээри, бу түгэҥҥэ үлэһит бэйэтэ сөбүлэҥин биэриэхтээх.  Көһөрүллүбүт уоппуска күннэрэ 12 ый устата бэриллиэхтээх.

Үлэһиккэ уоппускаҕа аккаастыыр сатаммат:

• 18-тан кыра саастаахтарга;
• куһаҕан производство эбэтэр кутталлаах усулуобуйа үлэһитигэр.

Ыстараап кээмэйэ:

Үлэ биэрээччи сокуону кэһэр буоллаҕына, сокуон кэһиллиитин Үлэҕэ судаарыстыбаннай инспекцията бэрэбиэркэлиир. Бу түгэҥҥэ үлэ биэрээччигэ сэрэтии таһаараллар эбэтэр ыстараап көрүллэр:

• дуоһунастаах киһи, урбаанньыт, кыра тэрилтэ — 1 тыһ. 5 тыһ. солк. диэри;
• атын бөдөҥ хампаанньа — 30 тыһ. солкуобайтан 50 тыһ. солк. диэри.